Bharat Jodo Yatra kumkhatna lawmna neihah Congress leader Rahul Gandhi chuan yatra chu India ram atanga huatna nuaibo a nih hma leh India lungrual a awm hma chuan chhunzawm reng a ni ang tiin a sawi.
Gandhi chuan Kanyakumari atanga Kashmir thlenga yatra a neihna video tichhuak bawkin nikum khan Yatra chu kalpui tan a ni a.
Gandhi chuan, “Inlungrualna awm theih nana Bahrat Jodo Yatra pen tinte chu nakin lama ram bulthut tha siamna tur a ni” tia sawiin, “Zinkawng chhunzawm zel niin – huatna nuaibo a nih a, India inlungruala a awm hma chuan chhunzawm zel a ni ang, chu chu ka thutiam a ni,” tiin a sawi.
Yatra neih chhungin Gandhi chuan public meeting tum 12 a nei a, street corner meeting tum 100 chuang neiin press conference tum 13 a nei bawk a. Kal paha midangte nena inbiaka titihona tum 275 neiin thukhawma inkawmhona tum 100 a nei bawk.
Yatra chuan Congress hruaitu Rahul Gandhi dinhmun a siamtha hle a ngaih niin hreh taka politics luchilh nia ngaih thin chu tunah chuan a elpui tena an er berah a chhuak tawh tih a ni bawk.
Rahul Gandhi hian 4,000 km chuang ke ngata kalin amah thlawptute leh sawiseltute pawh an ngaihsak hlawhlo thei lovin a siam bawk a.
Yatra neihnaah society section hrang hrang film leh TV celebrity Kamal Haasan, Pooja Bhatt, Riya Sen, Swara Bhasker, Rashami Desai, Akanksha Puri leh Amol Palekar te pawhin an tlepui a ni.
Anni bakah hian writers leh military veterans te Army chief Gen (Retd) Deepak Kapoor leh ex-Navy chief Admiral (Retd) L Ramdas te bakah RBI governor hlui Raghuram Rajan leh ex-finance secretary Arvind Mayaram te pawhin an telpui bawk a.
Opposition leader zingah National Conference’s Farooq Abdullah leh Omar Abdullah, PDP’s Mehbooba Mufti, Shiv Sena’s Aaditya Thackeray, Priyanka Chaturvedi leh Sanjay Raut leh NCP’s Supriya Sule te pawhin an telpui bawk.
Congress president Mallikarjun Kharge pawhin Bharat Jodo yatra chu taksa chea hmalakna mai a ni lova theihtawpa kan chhia leh tha hriatna darhsarh tawh siam that leh tumna a ni tiin a sawi. “Congress party chuan mipuite pawhna chhunzawm zelin kan Constitution leh Democracy humhim turin theihtawp a chhuah zui zel dawn” tiin a sawi bawk.
“Headlines awmze nei lo siam a, issue pawimawh tak tak phumbo a nih theih nana chetlak leh huatna leh inthenhranna agenda a neiha kalpuina te hian kan chhiat leh tha hriatna te nasa takin a bei tawh a ni,” tiin Kharge chuan a sawi a.
Yatra hmangin issue tak tak economic lama intluktlanlohna nasa te, thil man sang lutuk te, hna vang em em te, social injustice te, Consitution kaihher tumna te, thuneihna hlawm khata dah tumna te chu beihin a awm a ni. Bharat Jodo Yatra hi ‘mipuite chetlakna a ni’ tiin Kharge chuan a sawi bawk.
Huatna nuaireh hma chuan yatra kal zel ang ti
