Thyroid chu kan nghawnga gland awm a ni a, kan taksa temperature siamtu niin, digestive system a tanpui a, lungphu tha taka a phut theih nan a pawimawh bawk. Tichuan, he gland hi a hnathawh dan tlemin a lo buai deuh hlek pawhin kan taksa a lo buai ve nghal vat thin. Thyroid buai hi chihnih a awm a- hypothyroidism leh hyperthyroidism te an ni. Hypothyroidism-ah chuan gland-in hna a thawk chak lo a, taksa mamawh tawk hormone a tichhuak lo a, taksa hnathawh a timuang thin. Hyperthyroidism-ah chuan gland-in hna a thawk chak leh lutuk a, hormone a siam chhuak hnem leh lutuk ve thung. Tun tumah hian thyroid buai lanchhuah dan hrang hrang Times of India health section-in a tarlan te kan rawn chhuah chhawng e.
Hypothyroidism lanchhuah dan tlanglawn zual deuh:
1. Ek khal: Thil ei te paitawih a harsa a, chuvangin ek a khal thin. Taksa hnathawh a nih tur aiin a muang a, chuvangin ek khal hi kan nei thin
2. Sam tla nasa leh vun khawro: Sam a tla nasa a, a hlawm hlawm ten a tla a, a thar a to leh nghal mai si lo va, sam te a tilang tlem vek thei. Thlan chhuak a tlem a, vun a lo ro a, thak leh chat ang deuh te pawhin a awm thei.
3. Tihrawl kham: I khawngin, i sil deuh them thum te pawhin i inhria ang a, i tihrawl te a nain a kham deuh thum thin ang.
4. BP sang: Thyroid avangin BP hi a sang ve thei a, lu-na, awmbawr na, beng chhunga inthum rawn deuh tlut tlut, thawk harsa te pawh a thlen thei.
5. Chaw ei tui: Thil ei a tui a, ril a tam deuh huam reng ang a, thil kan ei tam phah a, kan lo thau phah thin.
6. Nguai: I rilru a nguaiin, eng emaw hlekah rilru natna te neih a awlsam bik thin. Ngaihtuahna a vak kual a, a thim zawng hlirin thil kan thlir tawh mai thin.
7. Mu nasa: Metabolism a muan avangin thil ei te chakna leh thahrui-ah a inlet zung zung thei lo va, chuvangin mut a chhuak deuh reng mai thin a, rei tak mut tawh hnuah pawh mut kham lo tlatin kan inhre thin.
Hypothyroidism
