Daily Newspaper

Hyundai Tucson hmelthar an tlangzarh dawn

13

Hyundai Motor India chuan an Tucson chu a hmel thar India-ah an tlangzarh dawn ta. He SUV hi 2020 Auto Expo-ah pawh an lo phochhuak tawh a, a tlangzarh hun hi COVID-19 hri leng avangin an sawn hla ta zawk a ni. Tucson thar hi model chi hnih- GL leh GLS a awm dawn a, a man tur hi an la puang lo nain tuna Tucson an hralh chhuah lai hi Delhi showroom-ah Rs 18,76,000 atanga Rs 26,97,000 man te a ni a, hetiang vel bawr tho hi ni turin report a awm a, an tlangzarh hunah chuan Jeep Compass leh Honda CR-V te a rawn el dawn a ni.

2020 Hyundai Tucson hi BS6 emission norms pha niin, petrol leh diesel hmang a awm a, petrol hian 2.0-litre engine neiin, 6-speed automatic gearbox a nei a, diesel hmang hian 2.0-litre diesel engine neiin, 8-speed automatic transmission a nei ve thung. Petrol hmang hian 149.9 bhp a pechhuak thei a, diesel hmang hian 182.4 bhp a pechhuak thei ve thung.

Tucson thar hi a hmel pawh an tidanglam a, a hmaah grille thar neiin, LED headlight thar leh LED daytime running light thar a nei a, a hma leh hnunglam bumper an tidanglam a, 18-inch alloy wheels a nei bawk. A mawng lam pawh an tidanglam nual a, chung zingah chuan twin exhaust tips te pawh a langsar pawl a ni.

A dashboard design thar a nei a, floating touchscreen infotainment system neiin, Hyundai BlueLink connected car technology, panoramic sunroof, electric parking brake te pawh a nei e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy