Daily Newspaper

I kawppui nen in inzawmna a tha tih hriat theih dan

10

Hmangaih te nen chuan khawvel hi a nuam a, engkim hi a mawi a, thil zawng zawng hi a dik vel thlup tawh mai thin. Hawina lam apiangah hlimna tur kan hmu emaw tih mai tur a ni a, kan intawn chang apiangin swifiah thiam loh eng emaw tek deuh sek sek hi a awm thin. Tun tumah hian relationship lama mithiam ten i ngaihzawng/kawppui nen in inkar a tha tih hriat theihna tha ni a an sawi te kan rawn tarlang e.

1. Nilengin in chhuak bo a, phone hmangin in inbe zeuh zeuh a, tichuan tlaiah in haw dun emaw, zanah a rawn leng emaw, tlaiah zanriah ei turin in chhuak dun emaw a nih hnuah tui takin in titi dun leh thei a, hmaichhana in intawn leh hnuah hlim takin inla inkawm zui leh thei a nih chuan in inkar boruak a tha hle tihna a ni.

2. I ngaihzawng emaw kawppui emawin chhunah a rawn text che a, a thil tawn leh thil tih te a rawn hrilh ve che a, khatia insawi dun khan a nunah tel ve a inhriatna i nei thin. In nitin thil tihnaah regular takin in in-update tawn peih reng a nih chuan in inkar boruak a tha hle tihna a ni.

3. In pahnih inlaichinna chungchang chu social media lamah eng chen nge phochhuah a tarlan tur chi tihah inremna fel leh mumal tak in nei a, in PDA (vantlang zinga induhna lantirna, khawlaia inkaih emaw, inkuah deuh emaw, etc) thlalak pahnih khat post te chu in remti, mahse, a bak, in pahnih inkar chu midang hriattir kher loh a, inpahnih inkara vawn mai in duhtawk a nih chuan in inzawmna a tha tawk tihna a ni.

4. Inhnial deuh bap bap chang a awm thin, inhnial hreh vangin ngaihdan sawichhuah in hreh phah lo va, inhnialna thianghlima thil insawi dun thei a nih chuan inpahnih inkar a pawt nghet lehzual dawn a ni. Inhnial tih hian tawngpawng in ân khum vak vak lam a ni lo va, ngaihdan inmil lohna ching fel tura tha taka sawi dun theihna tihna a ni.

5. In pahnih inkarah lungawi lohna leh thinrimna in neihin inthup bo ngai lo a, eng emaw ngaihthat lohna leh hlauh deuh in neih pawhin zêp lovin in inhrilh tawn thin a nih chuan inkar a tha tihna a ni. Lawmna leh hlimna inhrilh thei, mahse, lungawi lohna leh thinrimna inhrilh ngam loh khawp boruak kan nei a nih chuan kan inkar a tha lo hle tihna a ni.
6. In pahnih inkara in rilru put dan te in chhungte leh thiantha te hnenah sawi chhuah in harsat lo a, mahse, sawi tur chin tawk i hrethiam a nih chuan in inkar boruak a tha tihna a ni.

7. In inkuahin in inkai a, in inpawm fo a nih chuan in inkar a tha tihna a ni. Nupa nun hman ringawt a ni lo va, inkuah leh in khawih deuh neuh neuh te hi kan induhna leh inthlakhlelhna lantirna pakhat a ni.

8. A chang chuan ngawi reng in thut dun mai mai pawhin in inthlamuan tawn em em chang a awm thin. In pahniha ngawi renga in thu dun a nih pawhin engmah mak tihna a ni awm lo va, in inhrethiam tawn em em a nih chuan in inkar a tha tihna a ni.

9. In duhthusam leh hmathlir te in inhriat sak a, chu chu tihlawhtling thei turin in innawr chak tawn thei a, in hlawhtlinnaah in inlawmpui thei a nih chuan in inkar a tha tihna a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy