Daily Newspaper

I mit a chhiat loh nan sunglass vuah thin rawh

23

I mit a thak thin em? Nizung hlauhawm ultraviolet ray lakah i mit a him theih nan sunglass vuah thin rawh. Ultraviolet ray hi kan mit khawhmuh tifiah lo leh tibuai thei a ni tlat mai.

Times of India health section-in a tarlan danin US-a survey an neihah chuan puitling pathum zela pakhat chuan sunglass an ngaipawimawh lo a, hei vang hian 34% chuan prolonged UV exposure symptoms an neih phah a, chu chu mit thak, khaw hmuh buai, mit sen leh mit vûng te a ni tlangpui.

He survey atanga an hmuh dan chuan Americans 31% chauhin ultraviolet ray laka an mit ven nan pawn a an vahchhuah dawnin sunglass an vuah thin.

The Vision Council-a medical adviser Justin Bazan chuan, “UV (ultraviolet ray) hian Ni eng hnuaia an chhuah minute 15 chhung lek pawhin mit a tichhe hman thei,” a ti.

American ten mit khaw hmuh buai an hlauh viau rualin sunglass vuah ngaihpawimawhna chang hria erawh an tam lo a, 14% chuan outdoor sports event-a an kalin sunglass an vuah thin a, 44% chuan beach (tuipuikam) a an kal chauhin sunglass an vuah thin.

American sunglass leitute pawhin an sunglass lei chu UV protection a nih leh nih loh an ngaipawimawh tawk lo va, 65% chuan a vuah nuam an ngaipawimawh a, 54% chuan a man a zir an ti ve thung.

UV radiation hi kumtluanin a awm reng a, ni sat ni emaw, khawdur ni emawah pawh a awm reng, hei bakah hian tui, hnim hnah, concrete leh vur te hian UV light an reflect thei a, hei hi direct UV ang thoin a hlauhawm niin zirchianna neitu te chuan an sawi.

The Vision Council CEO, Mike Daley chuan, “Sunglass hi vuah a nawm leh nawm loh leh a style-ah a tam zawk hi chu kan buai a, a label kan enchiang ngai lo UVA.UVB protective a nih leh nih loh enchian hmasak ngei ngei tur a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy