Daily Newspaper

I mit tana thil tha lo i tih thin te

29

Kan mit (eye) khawhmuh fiah leh fiah loh te hi a ni ve tur rengah kan ngai fo thin. Mi tam zawk hian kan nitin ei leh in bakah kan thil chinthan leh khawsak phung te hian kan mit chu dinhmun thaloah a dintir thei tih kan ngaihtuah ngai lo. Tun tumah hian mit khawhmuh te a lo that rei zawk theih nana tih loh atana tha Times of India health section-in a tarlang te kan rawn chhawp chhuak e.

1. Thlai hnah hring ei tlem. Thlai hnah hring hi kan mit mai ni lo, kan taksa hriselna atan a pawimawh khawp mai. Thlai hnah hring bakah carrot leh sangha thau te pawh mit tan a tha tih hre tel nghal i la. Chuvangin kan mit tan thlaihnah hring a tam thei ang ei tur a ni.

2. Mitkhap lova thil screen en rei lutuk. Screen êng en reng mai hian mit a tihah duh hle a, screen eng chu kan en lo thei lo a nih chuan second 10 danah tal mit khap thin tur a ni. Mit khap hian mit a tihnawng. Hei bakah hian a khat tawkin screen chu en lova hawi sawn fo tur a ni.

3. Eye make-up tihfai loh. A bikin hmeichhia ten kan mit cheimawi nan thil chi hrang hrang kan hmang nasa hle. Zanah kan mut hmain kan mit chei nana kan hman zawng zawng chu tihfai vek tur a ni.

4. Mei zuk. Meizial kan zuk hian kan taksa hrisel nana thil pawi tak kan ti tihna a ni a, chung zinga pakhat chu kan mit hriselna a tihpawi theih dan hi a ni. Meizial zuk hian mascular degeneration a thlen thei a, mascular degeneration chu UK-ah phei chuan miin an mit khawhmuh a chhiat phahna tam ber a ni.

5. Sunglass tha tawk lo vuah. Ni eng leh ni sa hnuaiah i chhuak a nih chuan i mit ven nan UV sunglass vuah ngei tur a ni. Ni zung hlauhawm (ultraviolet ray= UV) hian cataract a thlen thei a, hei bakah hian retinal disease pawh a thlen thei. Sunglass kan lei dawnin UV a block theih dan chin hriat hmasak ngei tur a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy