Daily Newspaper

I ngaihzawn loh atana tha zawk te

34

Thenkhat tan ngaihzawng zawn hi thil harsa tak te pawh a ni thei a, chutihlaiin thenkhat tan erawh a ruala pahnih thum ngaihzawng neih te pawh a harsa leh vak lo thei ve tho bawk a! Inngaihzawnna hian boruak chi hrang hrang a keng ve a, chu chu hrereng chunga nakina kan buai loh nana ngaihzawn loh law law atana tha zawk an awm niin relationship lama mithiam ten an sawi te kan rawn tarlang e.

1. I thian tha ber ngaihzawng hlui chu ngaihzawng ve leh duh tawh suh. I thian nena in inkar boruak a chhiat phah ang. |hiantha ber te nena inhmuhchhiat phahna tur a nih ai chuan midang ngaihzawn tur zawng zawk la, i inchhir lo ang. |hiantha te hi an hlu a, a chhia a tha kan sawipui theih, kan thuruk engkim kan hrilh ngam te ngaihzawng hlui ber kher chu an inthen hnuah pawh lo ngaihzawn ve leh loh a tha zawk.

2. I thian tha tak nena inhmuhthiam lohna nei, inhmu sakhi deuh reng mai nena in inngaihzawn chuan i thian nena in inkarin a tuar ngei ang. I thiantha ni a i ngaih kha nangmah er em em tu nen inngaizawng ta tlat mai se, eng rilru nge i put ang tih ngaihtuah la, i hrethiam mai ang.

3. I unaute ngaihzawng hlui chu hnimhnai lo law law la a him zawk, unau inkar boruak a chhiat phah thei a, chhungkaw buaina thlengin a awm phah thei. Chuvangin, unaute ngaihzawng hlui chu ngaihzawng loh tawp tur list-ah No.1 a ni.

4. I nu leh pa te thian pawh ngaihzawng loh a fuh zawk ang. Chutiang ngaihzawn chuan chhungkaw boruak a tichhe thei a, i nu leh pa ten an pawmpui mai mai dawn lo che tih hriat sa tur a ni.

5. I hnathawhnaa i chunga mi, nang aia thunei zawk te nena inngaihzawn chu a tihchi vak lo. Office-a thawhpui te nena inngaihzawn hi a boruak a nawm chang a awm thei a, chutiang bawkin a hrehawm chang pawh a awm thei. Kan thawhpui te nen kan inngaizawng dawn a nih pawhin a tu emaw zawkin thawhna hmun sawn a tha.

6. I ngaihzawng hlui thiantha pawh ngaihzawn loh a tha zawk, mahse, in induh viau bawk si a nih chuan in boruak a kal thui hmain i ngaihzawng hlui hnenah chuan lo sawi hmasak a fuh ang.

7. I thiantha takin a duh ve ngawih ngawih lai chu ngaizawng ve lo mai rawh. I thianin a ngaihzawn em em kha nangin i lo duh ve lehzel chuan in inkar a chhiat phah thei dawn tlat. |hian inkarah boruak tha lo a siam ang a, a tu nge che thei zawk tih boruak a awm thuai ang. |hiantha te hi an hlu em mai.

8. Ngaihzawng hlui te nena inngaihzawn nawn leh pawh hi a tihchi vak lo. Hun eng emawti chhung inthen tawh hnua inngaihzawn thar leh hi a hmaa kan boruak kha kan pha tak tak tawh thin lo. A hmaa kan inthenna khan chhan nei a, “Kan inthenna chhan kha a lo dik lo e,” kan ti te a nih ngawt loh chuan inthen hlen mai a tha zawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy