Daily Newspaper

I ngaihzawng nena in inkar kha inkalchak pui mah mah em?

20

I ngaihzawng nena in inkar chu entianga chakin nge kalpui tur tih bithliah fel tak a awm lo va, kal chak tur emaw, kal muan tur emaw tih pawh a awm chuang lo. Mahse, a chang chuan kan tawn thar ‘d’ te nen kan chet velnaah hian tih mah mah chang kan nei ve thin. Engpawh ni se bul tanna a fuh a, a innghahhna a ngheh that chuan inngaizawnna boruak kal zelna atan a thain a nghet duh zawk niin relationship lama mithiam ten an sawi.

Kan inngaihzawnnaah kan kal chak mah mah ni awm e tih keimahni kan inhriat theih dan tur ni a an sawi hrang hrang te kan rawn tarlang e.

1. In ngaihzawn tantirh boruakah chuan engtiklai pawha awm dun reng chak veng veng mai kha thil awm tak a ni a, mahse, a tuk chhuak a inhmuh tluk tluk kan tum a nih chuan inven thiam deuh a tha.

2. Kar hnih khat vel inzui hman chauh tihah hmun hrang hranga kan chhungte kan tlawh kual pui nghal chung chung mai chuan kan ti mah mah deuh a ni.

3. Eng nge a tih thin, tih leh a nitin hun hman dan chipchiar lutuka i hriatpui a, a inthiar dan leh hun thlenga i hriatpui thlap mai chuan in ti deuh mah mah chu a ni!

4. Kar hnih khat chauh in la inzui tihah social media lamah in inhmangaih thu intlangaupui chiam chiam a, in Facebook te pawh inpahniha thlalak hlira a khah nghal vek mai chuan inkal chak deuh mah mah chu a ni.

5. ‘Love is blind’ an ti a, a dik viau mai, mahse, chutia an tih vanga khaw hmu lo ang hrima tal nghal vak mai zawng a fuh vak lo. Kar hnih khat lek inhriat hnuah PDA (mi zinga kan induhna lantir a, inkuah emaw, inkaih emaw, engtin emawa kan inngaizawng a ni tih midang hriat tir tum ang hrima chet vel) nasat viau mai te pawh a chi vak lo.

6. Ngaihzawng neih hnuah i thiante pawh i kawm hman ta reng reng lo a, i thian ten, “Tunlai i van reh em em ve, i zin em ni,” an tih tur khawpa i awm a nih chuan i ti deuh mah mah a ni.

7. A engamah hmaa inneih lam te i ngaihtuah thleng nghal ruak mai a nih a, naute hming tur nen lama i lo hual lawk tawh mai a nih chuan i che chak deuh mah mah.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy