Daily Newspaper

I tui um-ah natna hrik a tam!

21

Kan hnathawhna hmunah emaw kan school kalnaah te tui kan pai thin, mahse, kan tui um hman hi kan rin aiin a lo bawlhhlawh thei hle a lo ni. Mithiam te chuan ui toys khel hnu ang vel a ni, an ti.

Mihring hi chaw ei lo vin kar thum thleng pawh kan dam thei an ti a, mahse, tui in lo chuan kar khat bak kan dam thei lo ang. Kan taksa 60% vel hi tui a ni a, nitin kan thlan, zun leh thawk atangin tui thahnem tak kan paihchhuak a, chuvangin kan taksa mamawh tawk tui kan in a pawimawh hle a, chumi hre reng chuan tui kan pai thin. Mahse, kan tui paina bottle chu a lo thianghlim lo thei nasa mai a lo ni.

Treadmill Review chuan zirchianna neiin, infiammi (athletes) mi 12 te tui pai thinna chu a chhin (lid) swabbing an ti a, chu chu laboratory-a an enchian chuan bacterial cell an lo phu mur mur mai a ni, square centimeter-ah bacteria 3,00,000 colony-forming unit (CFU/sq cm) awm ang a ni.

Hei hi mi nawlpuiin kan hriatthiam theih tura dah dawn chuan tui kan pai thinna bottle hi kan ui-in a khel hrep hnu toys ai pawhin a bawlhhlawh zawk thei tihna a ni.

Kan bottle hman azirin hei hi a danglam ve leh thei a, a chhin nawr tawlh theih (slide-top) ang chi a tha lo ber a, 9,00,000 CFU/sq cm bacteria awm ang a ni a, squeeze-top bottle chu a dawttu niin, 1,62,000 CFU/sq cm bacteria awm ang a ni a, screw-top container chu pathumna hiin 1,60,000 CFU/sq cm a ni.

Straw-up bottle a thianghlim ber a, 25 CFU/sq cm a ni.

Treadmill Review chuan tui pai nan chuan stainless steel canteen emaw flask emaw a tha ber niin an sawi a, chu pawh silfai fo tur a ni an ti.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy