Indian Air Force hnena ram hralh chungchangin sawi a hlawh a, mipuiin an ngaihven a, political party-te’n inbeih nan an hmang a, Budget Session neih mekah pawh sawi chhuah a hlawh khawp mai.
Hemi chungchangah hian mipuiin thil kan hre deuh ruak a, a chin chhuakin kan hre lo a nih pawhin thui tak chu kan hria a ni. Indian Air Force hnenah ram hralh a ni a, a ram neitu ni lo kutah pawisa a lut teuh tih chu kan hre vek awm e.
Ram neitu ni lo, mahse pawisa tam tham tak dawng an awm a, chu chu hemi chungchanga thil pawi, mipuiin kan hriat chu a ni a, a pawimawh lai kan hria ti ila kan sawi sual awm lo e.
Dan lova thiltih chungchangah te, corruption chungchangah te, chhui chhuah a awm a, chhui chhuah loh te pawh a awm thei ang. Amaherawhchu, thil hriat hi a pawimawh em em a, tuna Air Force hnena ram hralh chungchangah pawh hian mak tak maia sum tam tak mai dawng an awm tih mipuiin kan hria hi a lawmawm a, he thu hai chhuah a ni hi a lawmawm a, mipuiin kan lo hre ta hi a lawmawm a ni.
Ram neitu ni lo, sum tam tak dawng an awm hi a mak a, a pawi em em a. Eng vanga lo dawng ve nge tih te, mi dang pek chhawn a nei em tih te hriatchhuah a ngai a, amaherawhchu, chu chu hriatchhuah a ni ta lo palh a nih pawhin tuna mipuiin kan hriat chin kan hria pawh hi a lawmawm hrim hrim a ni.
Thuneitute’n theihtawp han chhuah se, he ram hralhna sum kal dan hi hriatchhuah tum se, a dawng tur dik takin an dawng em tih te, dik lo taka lo dawng ve an awm em tih te hriatchhuah tuma theihtawp chhuah ni se, chu chu he thila mipuiin an hriat duh lai chu a ni ang. Chutiang kilh kelh kan hre ta lo a nih pawhin tuna mipuiin kan hriat chin hi, hetiang haichhuah a ni hi ram leh mipui tan a lawmawm reng reng mai e. Hei hian rahțha a chhuah ngei ang tih i beisei ang u.
IAF hnena ram hralh chungchang hi
