Mizoram sawrkar hnuaia IAS leh service dang – principal secretaries/ commissioner & secretaries/ secretaries/ special secretaries chelh mek bakah MSC engemawzat chu an hna chanpual tihdanglam a awm nual bakah an awmna siksawi a ni.
Hna chanpual lian zingah Home department chu chief secretary Dr Renu Sharma enkawl tel tura dah a ni a. Home commissioner & secretary H Lalengmawia chu a hna chansa, EF&CC leh P&E bakah Fisheries pek thar a ni. Chief electoral officer Mizoram Madhup Vyas chu a hna chan mek bakah H&TE pek tel a ni a, H&TE bakah Health leh Tourism secretary Esther Lalruatkimi, IRS chuan a a hna chanpual hi a kalsan vek dawn avangin a hna hi sem darh a ni. Tourism hi Dr Lalrozama hnenah hlan niin, Sangchhin Chinzah-in H&FW a chang.
Secretary to chief minister Vanlaldina Fanai, ICAS cu Finance leh Planning & Prog Implementation commissioner pek a ni a. GAD a chang let leh tawh bawk.
Lunglei bawrhsap Ramdinliani chu School Education chang tura sawn a ni a; Serchhip bawrhsap David Lalthantluanga pawh Agriculture chang tura sawn a ni.
AMC commissioner Lalhriatpuia chu ATI director-a sawn a ni a. LESDE addl secretary K Lalhmingliana chu Municipal commissioner-a dah a ni. Mamit DC VL Remliana chu Champhai DC, Champhai DC James Lalrinchhana chu LR&S/ S&YS joint secretary, Kolasib DC John LT Sanga chu S&YS director, Hnahthial DC Chuanhnuna leh LAD director Rita Lalnunmawii Pachuau ten an nihna an inthleng ang. Khawzawl DC K Lalrohlua chu RD director a ni anga, RD director chu Lunglei DC a ni ang.
Kolasib DC ah Robert C Lalhmangaiha a awm anga, Mamit DC ah Kolkata Mizoram House JRC facob Lalawmpuia a awm ang
IAS leh service dang siksawi
