ICAR hotuten oil palm ngaihven
Indian Council of Agricultural Research – Indian Institute of Oil Palm Research (ICAR-IIOPR), Pedavegi West Godavari, Andra Pradesh atangin scientist an lokal a. Nilaini khan larsap Dr Hari Babu Kambhampati nen an inkawm.
Larsap chuan agriculture ram ni chungin India chu hriak ei chi (edible oil) ah a intodelh loa, a mamawh tam zawk ram dang atanga a lakluh niin, he harstana chingfel tur hian sawrkarin theihtawp a chhuah mek tih a sawi a. Oil palm thar chhuah kawnga theihna nasa tak nei Mizoramah theihtawp chhuaha hma lak a tul tih sawiin, hemi kawnga thiamna nei ICAR-IIOPR hotute chu oil palm chingtute harsatna leh mamawh ngun zawka ngaihvenpui tur leh, ICAR Research Complex for NEH Region Mizoram Centre, Kolasib kaltlanga chak zawka hma lak a nih theihnan tan la turin a chah.
ICAR- Indian Institute of Oil Palm Research hotute hian Mizorama hma an lak tawh dan an sawi a. Mizoram chu hmarchhak state zinga oil palm chin tamna ber a ni mek a, potential area hectare 60000 – 70000 a zau a nei tih an sawi a ni.
ICAR hotute hi principal scientist pahnih – Dr K Manorama leh Dr G Ravichandran bakah senior scientist Dr G Somasundaran te an ni.
ICAR hotuten oil palm ngaihven
