ICFAI Mizoram zirtirtute intuaithar
ICFAI University Mizoram-a zirtirtu, faculty-te chu tunlai digital thiamna lamah intuaitharin ni 5 chhung awh hun an hmang.
A ni hmasa berah digital infrustructure, digital self-assesment check leh goal set dan inzirtirnaa hun hman a ni a. A ni hnihnaah zirtirna kawnga pui thei digital tools leh presentation skills zirho a ni.
A ni thumnaah digital growth leh personal development inzirtirin hun an hmang a. Email hman tangkai dan awlsam leh tangkai zawk an zir tel bawk.
ICFAI University Mizoram vice chancellor Prof Ginlianlal Buhril chuan he programme hi thil pawimawh leh tangkai, zirtirtute leh zirlaite pui thei thil a nih avangin hma a la nasa hle a. He thil zirhona hian zirtirtuten nasa takin digital hman thiamnaah a pui theih a beisei tih a sawi a ni.
He programme hian khawl hmanga thil pawimawh tak tak – fundamental digital concepts, online hmanga professionalism neihna leh digital safety a huam a, a huaihawttute pawhin zirtirtuten nasa taka hma an sawnpui an beisei tih an sawi a ni.
ICFAI Mizoram zirtirtute intuaithar
