Daily Newspaper

ICMR thurawn angin RT-PCR a test man tihniam phut

11

Indian Council of Medical Research thurawn angin Mizoram sawrkar chu RT-PCR hmanga Covid kai leh kai loh endikna man chu tihniam turin an phut tih Congress Thalai chuan an sawi.

Thuthar thehdarhtute an kawmnaah Congress Thalai Hqrs. president Dr Lalmalsawma Nghaka chuan an thuchhuak chhangleta sawrkarin thuchhuah a siamah mahni duhthua Rs.4500 chawia Covid test ti mi 52565 awm tawh atangin test man chawi chu zaa 1 chauh an ni tia a sawi chungchangah, “Sawrkar hian Rs.4500 lai mahni duhthua test duhte hnen atanga a lak chuan test rate hi san ngaihna a awm lo. RT-PCR hmanga mahni dinhmun hre duh tam tak an awm laiin test man a san em avangin test rate a tlem phah a ni tih hi kan thudawn tam ber a ni. Hetianga to a nih chuan man chawia test percentage hi san ngaihna a awm lo,” a ti.

Mizoram sawrkarin Congress Thalai thusawi a chhanletnaah ICMR thu a behchhan tih chian thu sawiin, “Heti a nih chuan ICMR-in 2020 May 25-a India ram state leh UT zawng zawng hnena Covid-19 dona kawnga hmathar lak dan tur thurawn lehkha a thawn kha Mizoram sawrkar pawhin a hmu ngei anga, khami point no.5-ah khan Covid-19 test man chawi theite hnena chawi theih zat sang ber – Rs.4500 chu a san em avangin hmanzui rem tawh lo a, sum chawi tihniam turin kan ngen a ni,” a ti.

India ram private hospital hrang hrangten RT-PCR test man Rs.2500 aia tlawma an lak theih laia sawrkar berin Rs.4500 a la chu tihniam turin an phut tih a sawi nawn.

‘The Mizoram Epidemic Diseases (Covid-19) Regulations 2020 siam danglam tur pawh thui tak kalpui tawh niin, reiloteah tihfel beisei a ni,’ tiin sawrkar hian a sawi bawk tih Dr Lalmalsawma hian a sawi a. “Private hospital-a Rapid Antigen Test tih theihna pe tura kan nawrna sawrkar chhanna hi a holam hle a. He provision nei tur hian hun rei a ngai loa, ni hnih khat maia amendment hi siam theih a ni,” a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy