India-Middle East-Europe Connectivity Corridor (IMEC) chu a kaihhnawih tin te tan hlawkna thlentu vek tur a ni a. Transportation lamah awlsamna thlenin, logistic costs a tihniam ang a, economic unity siamin, hna a siam ang a, Greenhouse Gas emission a tihniam bawk ang, tiin Union Finance Minisetr Nirmala Sitharaman chuan a sawi.
IMEC project hi New Delhi-ah September 9-10 khan 18th G20 Summit neihnaah inremna ziah a ni a. India G20 presidency nih lai a ni.
“Multimodal economic corridor niin shipping, railways, roadways multiple network inthlunkhawmna tur niin heng zingah hian electricity cables, high-speed data cables leh hydrogen pipeline te pawh a huam tel vek a ni” tiin Sitharaman chuan Indo-Pacific Regional Dialogue 2023 neihnaah a sawi.
IMEC hian a bik takin maritime lam a thlurbing ang a. Indian ports heng Jawaharlal Nehru Port Authority, Mundra (Gujarat), leh Kandla (Gujarat), te chu West Asian port Fujairah, Jebel Ali, leh Abu Dhabi, UAE, bakah Saudi Arabian ports of Dammam, Ras Al Khair, leh Ghuwaifat te a thlunzawm dawn a ni.
Rail segment pawh awm dawnin Saudi Arabian cotuy Haradh leh Al Haditha te chu Israel-a Haifa thlengin thlunzawm a ni bawk ang.
“A final segment a Thenin Northern Corridor an tih chu maritime segment tho niin Haifa leh Greek port of Piraeus leh Europe thluzawmna tur a ni,” tiin Sitharaman chuan a sawi bawk.
IMEC hmangin cross-border, ship-to-rail transit network ngelnghet leh chak siam a ni ang a, maritime leh road transport awm sa te thuam Tha bawkin sumdawnna leh connectivity tiawlsamin SOuth Asia, West Asia, Europe leh Middle East economic integration a siam dawn a ni.
Chutih rual chuan harsatna tawh nei ve tho bawkin abik takin Israel leh Gaza buaina awm mek chuan harsatna a siam thung.
“India chuan hun lo la kal turah India comprehensive national power chu tuipui nena inzawm a ni tih a hria a ni. Hei vang hian maritime sector lamah hmalakna kan kalpui nasa a, kan sorkar chuan fiscal policy leh financial outlay lamah pawh a thlurbing nasa a ni,” tiin Union Finance Minister chuan a sawi bawk.
International shipment lamah India chu kum 2014 a 144-na aTangin kum 2023 ah chuan 22 naah a invawrchho thei tawh a. World bank’s Logistics Performance Index report 2023 chuan Indian ports ‘turn-around time’ chu 0.9 days chauh a ni tawh a, chu chu maritime centre Singapore, UAE, Germany, USA, Australia, Russia leh South Africa te ports aiin a hniam a ni.
IMEC-in hmasawnna thlen dawn ti
