Daily Newspaper

IMF-in Indian farm law-in hmasawnna thlen ring

8

International Monetary Fund (IMF) chuan India sorkar farm bill a pawm tak te chuan agriculture reform lamah hmasawnna a thlen theih thu sawiin mahse system thar kalpui avanga tuar thei te chhawmdawlna tur social safety net a mamawh tiin global lender thupuangtu chuan a sawi.

Gerry Rice, Director of Communications, IMF chuan farm law te chuan middlemen titawpin tha zawkin thil a kalpui thei dawn tiin a sawi a.

“Farm bill te hian India ramah agriculture reforms hmasawn zawngin a kalpui theih kan ring a ni,” tiin Rice chuan Washington khawpuia news conference a neihnaah a sawi a.

“Heng dan hamngte hian loneitute chuan direct-in an thlai thar an hralh thei tawh dawn a, loneitute chuan middlemen te nuaibo a nih avangin hlawkna nasa zawk an nei dawn a, thingtlang hmasawnna a thlen zawk ang,” tiin a sawi.

“Chutihrualin, system thara zuan luh avanga tuar thei te chhawmdawlna tur social safety net tha kalpui a ngai thung ang,” tiin a sawi bawk.

Heng reform tena growth benefits a neih te chu kalpui a nih hun leh kalpui danah thui taka innghat a nih avangin fimkhur taka ngaihtuah ngai a ni tiin Rice chuan a sawi bawk.

Hetihlai hian loneitu sang tam tak te Punjab leh Haryana mi tam ber te chu Delhi border ah camping neiin heng farm law pathum te nuaibo ngiatin an la inkulh reng thung a. Hei bakah hian minimum support price legalguarantee an ngiat bawk.

Nikum September thlaa dana hman tan farm law pathum te hi Centre chuan agriclture reform tlentu tur leh middlemen nuaibo va, loneitu tena India ram khawi hmunah pawh an thlai thar te an hralhna tur niin a sawi a.

Mahse, loneitute chuan dan thar kalpui te chuan an himna bera an ngaih Minimum Support Price (MSP) leh “mandi” (wholesale market) system a nuaibo dawn tia sawi thungin company lian te zahngaihna hnuaia an la luhna tur tiin an duh lo bur thung a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy