Art & Culture department hnuaia Institute of Music and fIne Arts (IMFA) batch 68-na Graduation Day chu Nilaini khan Aizawlah hman a ni.
Hmanpuitu Art & Culture minister C Lalsawivunga chuan IMFA-a zirlai chhuak turte chu Mizo hnam zia leh nunphung vawnghim tura an inpekna leh an thiamna fakawm a tih thu a sawi a. Hnam nunphung vawngnung zel tura fuihin, “Hnam changkang apiangin mahni hnam nun vawnhim leh chawisan chu khawi hmunah pawh awm se, an ngaihpawimawh ber a ni,” a ti.
Zirlai pass chhuak turte chu hnam rohlu – Zonun mawi, aia upate zah leh tlawmngaihna chhawmnung zel turin a chah bawk.
Graduation Day-ah hian IMFA zirlaiten lemchan leh lam an entir a, certificate sem a ni bawk. Zirlaite entir zingah Cheraw, Tangkawnga Vailak a tel. Art & Culture department hotute bakah IMFA zirlai nu leh pate, college hrang hrang zirlaite leh sawmbikte an tel.
IMFA-in zirlai chhuakte thlah
