Daily Newspaper

Immunity tichak thei, man tlawm bawk si Mautuai

10

Mautuai chu virus in mihring taksa a beiha lo beilet thei tura immunity tihchakna man tlawm ber a nih mai theih thu mithiam te chuan an sawi.

Mau hi Northeast-ah chuan ngaihhlut hle niin a chawr atanga a thih thlengin kawng hrang hranga hman a ni thei vek mai a. Mahse, kar kalta Zirtawpni a ram 11 atanga mithiam 25 kalkhawm tena ‘World Bamboo Day’ an hmanah erawh mautuai in hriselna a thlenna lam an zirbing tlat.

“Mautuai hi hlutna sang tak nei leh mihring te ei atan him niin khawvel hmun hrang hrangah bamboo product dang te nena hlutna sang tak nei mek a ni. Mautuai tharlamah hian protein a neih nutraceutical te chu 1.49-4.04% vel a ni a. Amino acids 17 a keng tel a, heng zinga pariat te hi mihring taksa mamawh pawimawh a ni” tiin Syam Vishwanath, director of the Kerala Forest Research Institute chuan a sawi.

Global market
Tun dinhmunah khawvel puma mautuai market hi $1,700 million vela ngaih a ni a. Kum tinin mautuai tonne maktaduai 3 chuang eiral a ni a, mahse, India ramah chuan northeast states ah te deuh chauh ei a ni thung.

“Dahthatna tha zawk hmang te leh tunlai thiamna hmanga a protein tha zawka humhim chuan nasa zawkin hlutna a pe thei,” tiin Vishwanath chuan a sawi bawk.

Kamesh Salam, executive director of South Asia Bamboo Foundation chuan India ramin mautuai hi superfood tia a pawm theih nana chuan kawng thui tak zawh tur a la nei a ti a.

‘Philippines ram ang te chuan Covid-19 kaihhnawihah mau leh mautuai hmang te in mak tak maiin hma an la a ni’ tiin a sawi bawk.

Mau chu Filipino scientist tena novel coronavirus beihlet nana antimicrobial sahbawn leh hand mists an siamah a bawlhlo pawimawh ber a ni a.

National Bamboo Mission chuan India-in mau awmna 13.96 hectares neiin China-in mau chi hrang hrang 136 a neih tih lohah chuan mau chi hrang hrang ngah ber a ni bawk a. Kum tinin India rama mau tharchhuah chu 14.6 million tonnes niin bamboo-ratten industry hlutna chu kum 2017 khan Rs 28,005 crore a ni bawk.

International Network for Bamboo and Rattan (INBAR) chuan China chuan khawvela mau kaihhnawih tharchhuah 68% a tharchhuak a, rattan product hlut lam hi $ 1,112 a ni bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy