Chi leh chi intihbuaina Imphal-ah Mizoram atangin zirlai 100 chuang an awm mek a, an himin an ralmuang tih thu dawn a ni.
Imphal-a medical college Regional Institute of Medical Sciences (RIMS)-ah Mizoram atanga zir mi 109 an awm a, an him thu leh an ralmuan thu te, thil a kal tluan thu te The Aizawl Post an hrilh.
Anni hi tun tum buaina vang hian Mizoramah an tlan haw a, buai tirh lamah RIMS-ah hian class pawh a tawp nghal. July ni 5-ah class tan leh tur tih a ni a, chumi nang tur chuan Mizoram atanga kalte hi Imphal-ah an let leh a ni.
“State dang atanga zirte pawh a tirah an tlanchhia a, tunah chuan an let leh vek tawh. |ha takin class kan kal a, thil a kal tluang,” Mizoram atanga kal zirlai pakhat chuan a ti a, “Kan him a, han ralmuan lohna a awm lo,” a ti.
Campus bul velah pawh thil lei turin an chhuak thei tih a sawi a, campus chhungah chi leh chi kara buaina emaw inen hranna emaw a awm lo niin a sawi.
Manipur state chhunga Zo hnahthlakte erawh RIMS-ah hian an la let lo tih thu dawn a ni a, anni hi 50 vel nia hriat an ni.
Imphal-ah hian Central Agricultural University a awm bawk a, hetah hian Mizoram atangin zirlai 40 vel an awm nia hriat a ni. Anni hi chu class an la tan lo bawk a, Imphal-ah hian an kir rih lo.
Imphal-a Zo hnahthlak dangte an kir rih lo a, RIMS-a zirlaite bak hi Zo hnahthlak dang an awm rih lo nia hriat a ni.
Imphal-ah Mizoram zirlaite him
