Pakistan special court chuan August 30 khan Pakistan Prime Minister hlui Imran Khan chu September 13 thlenga thu zawhfiah atana kawl a remti a, hei hi state secret lailang anga puhna avang a ni.
Judge Abual Hasnat Zulqarnain chuan Punjab a Attock jail kalchilha hearing a neihnaah cipher pawimawh bo chungchang a ngaihtuahnaah Imran Khan chuan nikuma office atanga nawrchhuah a nih hnua political rally neihnaah he cipher hi mipui hmuh theih turin a vailang tiin a sawi a.
Hearing hi Attock District Jail ah Law Ministry-in remtihna a neih hnuah ngaihtuah niin he jail-ah hian August 5 atang khan Imran Khan chu tantirin a awm tawh a, tantir a nihna chhan erawh Toshakhana corruption case vang a ni thung.
Khan hremna chu Islamabad High Court Bench judge pahnih awmna chuan a suspend a, mahse zalen taka chhuah erawh khapsak tho niin hei hi cipher case avanga hearing hmachhawn mai tur a nih vang a ni.
Geo News chuan Judge Zulqernain chuan Khan judicial remand chu September 13 thleng pawtseiin hetih chhung hian Khan chu lung inah a awm rih ang tiin a sawi.
Imran Khan lung in tan pawhsei sak leh rih
