Country star Morgan Wallen chu Nashville-ah April ni 7 zan (keini tan ni 8 a ni hman tawh) khan in chhawng rukna atangin chair a theh chhuah niin an puh a, midang tana hlauhawma che leh, chet dan mawi lo thubuai te siam sakin man a ni a, mahse, bail a chhuah leh nghal a ni.
Metropolitan Nashville Police Department cuan X-ah thuchhuah siamin, Wallen hi fimkhur lo taka midang tana hlauhawma che leh chetdan mawi lo thubuai siam sak a nih tu an tarlang. Zan dar 10:50 velah Chiefs Bar kawta police te an din khawmuan laiin chung lam atangin kawngpuiah chair a rawn tla a, police ten enfiah nghalin Morgan Wallen chu an man ta a ni.
Video footage-ah Wallen-a’n in chung atanga thil a paih chhuak lai hi a lang niin a sawi a, chair a vawm lai mit a hmuhtu te pawh an awm niin an sawi bawk. Wallen hi bail a chhuah lailawka ni a, May ni 3-ah court-a inlan tura tih a ni.
In chung atanga chair vawm chhuah avangin Morgan Wallen an man
