Hrileng mek karah mahni in atanga doctor rawn theihna tura sawrkar laipuiin ruahmanna a siam chu Mizoramah pawh hman theih tura peihfel a ni.
Covid-19 leng mek avanga damloten awlsam zawk leh pawn chhuak loa mahni in lum atanga doctor an rawn zung zung theih nan sawrkar laipui Ministry of Health & Family Welfare chuan ruahmanna thar siamin, Telemedicine E-Sanjeevani OPD application chu mipui hman theih turin a ti a. Hemi bawhzui hian National Health Mission (NHM) Mizoram chuan mipuiten hlawk tak leh tangkai taka an chhawr thuai theih nan chak taka hma la in teleconsultation Service E-SanjeevaniOPD hmanga mipuiten inenkawlna tha zawk leh mipui tam zawkin an chhawr tangkai theih nan kumin October 2 duty roster dan tur pawh a duangfel a ni.
eSanjeevani OPD (Stay Home OPD) hi internet kaltlanga video kaltlanga doctor rawn theihna tura Center for Development of Advanced Computting siam a ni a, computer leh mobile application hmanga doctor-te rawn theihna a ni. Playstore-ah eSanjeevaniOPD-National Teleconsultation Services chhuta download mai theih a ni. Computer leh laptop atanga lut duh tan www.esanjeevaniopd.in ah luh theih a ni bawk.
Mizoramah pawh Mizo specialist doctor-te chawhnu dar 2 leh tlai dar 4 inkarah Thawhtanni atanga Zirtawpni thleng he application hmang hian mahni awmna hmun atangin rawn theih an ni tawh dawn a. Hetiang hian an thiamna bikah doctor-te rawnna siam a ni: Thawhtanni-ah Medicine, Thawhlehni – Obs. & Gyanae; Nilaini – Paediatrics, Ningani – surgery, Zirtawpni – Oncology.
(THE AIZAWL POST – Tualchhung)
Full>> ePaper Subscribe
