India rama Covid-19 active case 9,19,023 atangin 13.75% te chauh chu enkawl lai mek niin ram pumah active case nasa takin a tlahniam niin Union Health ministry thuchhuah chuan a tarlang.
Covid-19 kai dam leh tawh 56,62,490 an awm tawh a, active case chu 47,43,467 an la awm mek thung tiin a tarlang bawk.
“Active case tlahniam zel hi tha chhuak leh percentage nen a inmil hle a ni” tiin Ministry chuan a tarlang bawk a.
Tihian tha chhuak leh an tam avang hian ram pum huap recovery rate chu nasa taka tisangin 84.70% a nih thu Ministry chuan a tarlang bawk a.
Darkar 24 chhungin Covid-19 kai 75,787 thachhuak leh an awm a, hetih chhung vek hian kaithar 61,267 an awm thung.
Kaithar aiin thachhuak State leh UT 25 ah an tam zawk tiin Ministry chuan a tarlang bawk a.
Thachhuak leh zinga 74% chu State leh UT 10 – Maharashtra, Andhra Pradesh, Karnataka, Tamil Nadu, Kerala, Uttar Pradesh, Odisha, Delhi, Chhattisgarh leh West Bengal-ah te a nih thu ministry thuchhuak chuan a tarlang bawk.
Maharashtra-ah hian ni khatah tha chhuak leh 13,000 chuang an awm bawk a. Kaithar 61,267 atanga 75% lai chu State leh UT 10 atangin a nih thu tarlan a ni bawk.
Maharashtra chu la chungnung zelin State zingah kai thar 10,000 chuang nei awm chhun a ni a, Karnataka-in dawtin kai thar 7,000 a nei thung.
(THE AIZAWL POST – Ramchhung)
Full>> ePaper Subscribe
