(medical college) chu a pung nasa hle a, kum 2014-a 387 awm thin chu tunah chuan 844 a awm tawh a. Heng zinna inah hian undergraduate MBBS zirna hmun 51,348 atangin 1,39,489-ah a pung bawk tih Union Health State Minister Anupriya Patel-i’n a sawi.
Zirtawpnia Lok Sabha-a ziaka zawhna a chhanah minister chuan postgraduate medical zirna (seat) pawh 31,185 atangin 86,360-ah a kai tih a sawi bawk.
Minister chuan hmun kilkhawr tak takah pawh medical college din a ni tih sawiin hei hian MBBS seat pawh a tipung hle tih a sawi a, damdawi thiam inenkawlna kawngah doctor pungin mamawh ang a awm thuai a beiseiawm tih a sawi.
Patel-i chuan Family Adoption Programme chu MBBS curriculum-ah telh a ni tih a sawi bawk.
He programme hnuaiah hian medical college-te chuan khua an thlang a, MBBS zirlaiten chhungkua bik vil lehin natna invenna, hmeichhe lama thila hriselna, iron leh folic acid puihna, ei tur tha, nun dan hrisel, hri leng thlithlai leh damdawi hmanga vil an kalpui thin.
Patel-i chuan District Residency Programme pawh an kalpui a, hei hi National Medical Commission-in a duan niin postgraduate medical zirlaite chu an zir chhungin training nan thla thum chhung district hospital-ah an awmtir thin.
Programme hi thingtlang leh hmun kilkhawr zawka damdawia inenkawlna tha a awm theih nana tih a ni tih a sawi.
India-ah damdawi zirna hmun leh seat pung nasa
