Daily Newspaper

India an hnungtawlh

44

Nimin, September ni 17 khan Fifa ranking thar tihchhuah a ni a, India chu pen khatin a hnungtawlh a, 109-naah a awm. Ranking tharah hian Belgium chuan no 1 an luah chhunzawm zel a, pen hniha hmasan Portugal chuan top 5 huang an luah phak.

No. 1 ni mek Belgium an dinhmun a che lo va, point 1773 hmuin a chung ber an la luah mek. An hnuai chiaha awm World champion France nen an inthlau lo viau thung a, France aia Belgium san zawkna hi point 29 chauh a ni. A sang zual palite dinhmun che sawn lovin a ngaiah an la awm a. Nations League champion Portugal chuan Uruguay leh Spain lehpelin panganaah an inhlangkai thung.

FIFA/Coca-Cola World Ranking tharah hian India chu 108 na atangin 109-naah a tawlh hnung. Corona Virus hripui leng vangin India hian inkhel a hmachhawn lo vang vang a, 2022 FIFA World Cup leh 2023 AFC Asian Cup qualification match hmachhawn tur a neih pawh March thla atang khan hmachhawn theih a la ni lo char char. Europe khawmuala ram hrang hrangte chuan international match an hmachhawn leh hlawm tawh a, hei hi Portugal hmasawn chhan pakhat pawh hi a ni. India hian October ni 8 hian Qatar a hmachhawn dawn a, hei hi hripui len hnua inkhel a hmachhawn hmasak ber tur a ni. Qatar an mikhual hnu hian Bangladesh leh Afghanistan te chu Igor Stimac-a team te hian November thlaah an hmachhawn zui leh bawk ang.

India in a hmachhawn tur ram pathumte hi Fifa ranking tharah a ngaiah an la awm hlawm a, an dinhmun chu Qatar (55), Bangladesh (187) leh Afghanistan (149) te an ni.

Fifa ranking thar (17th Sept, 2020)
Rank Team Change Points
1 Belgium Steady 1773
2 France Steady 1744
3 Brazil Steady 1712
4 England Steady 1664
5 Portugal Increase 2 1653
6 Uruguay Decrease 11645
7 Spain Increase 1 1642
8 Croatia Decrease 21628
9 Argentina Steady 1623
10 Colombia Steady 1622
11 Mexico Steady 1621
12 Italy Increase 1 1612
13 Netherlands Increase 1 1603
14 Germany Increase 1 1602
15 Switzerland Decrease 3 1600
16 Denmark Steady 1593
17 Chile Steady 1579
18 Sweden Decrease 1 1567
19 Poland Steady 1558
20 Senegal Steady 1555

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy