Bihar chief Minister Nitish Kumar chuan Ningani khan BJP-in INDIA bloc an beihna chhangletin Congress chu an thawhhona lamah buai loin election an hmachhawn turah a inpe zawk a ni a ti. Patna-a thuthar thehdarhtu te hmaah sawiin Kumar chuan kan thawhhonaah hian thil dang teh vak a awm lo, tiin a sawi a, party 28 lai mai thawkho-in kum 2024 general election-ah BJP paih thlak an tum a ni. “Party thawhpui zawng zawngte nen kan sawiho a, tha taka thawkho zel tur leh India ram history thlak tumtute laka India ram venghim turin kan inchah a ni. Hemi tur hian Patna leh hmun dang dangah meeting kan nei reng a ni. INDIA Alliance chu siam niin thil dang vak a thleng lo. Assembly election state-5 ah neih a ni a, Congress party chu heng inthlanna state-ah te hian a tang em em a ni. Congress party hmasawntir tur hian kan thawkho tha em em a ni, anni lam pawhin lungngaihna an nei bik chuang lo. Tunah chuan state-5 inthlanna turah an la buai rih a, hemi zawh hi chuan anmahni leh anmahni pawh an inkokhawm tawh ang,” tiin Kumar chuan mipui hnenah a sawi a ni.
Nilaini khan Bihar-a tangrual JDU leh RJD inkarah harsatna a awm lek leka, Nitish Kumar chuan Bihar chief minister a nih hnu kum 2005-a Bihar power supply dinhmun leh Kum 2005 hma lama Lalu Prasad Yadav a rorel lai a khaikhin a ni. Bihar State Power Holding Company Limited (BSPHCL)-in an din champha vawi 11-na an hmannaah Kumar chuan mipui zawhna chhangin, “Kum 20 kalta-a power supply dinhmun enge ni, in la hre reng em,” tiin a chhang a ni. Dawhsana thu ministers pathum lam te hawiin mipui zawhna hi hnehsawh tak leh mahni inringtawk takin a chhang a. Kumar tawiawmtu ministers te chu – Power minister Bijendra Yadav, JDU party, Revenue and land reforms minister Alok Mehta Rashtrya Janata Dal (RJD) leh Excise and prohibition minister Sunil Kumar JD-U te an ni.
INDIA bloc-ah engmah a thlenglo-Nitish Kumar
