Indian fashion event-a ngaihven hlawh ber pawl India Couture Week 2023 chu July ni 25 atanga tanin August ni 2 thleng neih a ni dawn a, he event-ah hian Mizo mipa model Rinzuala chu July ni 28 leh July ni 30 khan inlanin, ramp-ah a walk a, Mizo model zinga he fashion event-a walk thei hmasa ber a ni.
India Couture Week 2023 hi New Delhi-a Taj Palace Hotel-ah neih a ni a, Fashion Design Council of India (FDCI) leh Hyundai Motor India thawk dunin an buatsaih a ni. He event-ah hian Indian designer lar tak tak ten an kutchhuak an pho chhuak a, Rinzuala pawh hian designer Kunal Rawal leh Rimzim Dadu te kutchhuak pahnih ve ve hain ramp a walk a ni.
India Couture Week 2023-ah hian designer Falguni Shane Peacock chu show kick-off tu niin, Ritu Kumar-i’n a dawt a, Falguni collection hi ‘Renaissance Reverie’ tih niin, ani hian showstopper-ah Bollywood actress lar ber te zinga mi Kiara Advani a hmang a, hei hian he show len zia hi a hril chiang nghal hle a ni.
Rinzuala, kum 19, hi local TV atanga ram pumin kan hmelhriat rawh, LPS-ah show chi hrang hrang lo host tawh thin Mali tia kan hriat lar Malsawmi fapa a ni a, Mali chuan a fapa-in hetiang dinhmun a thleng thei hi malsawmna an dawn ni ngeia a hriat thu a sawi.
India Couture Week 2023-ah Mizo model Rinzuala inlan
