Daily Newspaper

India furpui tawp taah ruahtui tla tha

7

India furpui chu tawp tain southwest monsoon chuan ruahtui tla 8.7% laia tam hmuin India Meteorological Department (IMD) tena an hrilhlawk aiin ruahtui a tla tha zawk.

Kumin hi kum 2010 hnua India in long period average (LPA) 100% a hmuh lehna hmasa ber ni bawkin a zawnin kum hnih a hmu ta a ni. Nikum khan India rama ruahtui tla chu 100% LPA a ni a, kum tam tak chhunga a san ber tum a ni.

India hian kum 30 chuang chu LPA 105% aia tam a zawnin kum hnih a hmu tawh lo. India-in kum 1988 atang khan record mumal tak a nei tan a ni.

“Furpui kum hnih hi tha danglam tak mai a ni,” tiin D.S. Pai, Chief Forecaster, National Climate Centre, IMD Pune chuan a sawi a. “Kum sawm dangah furpui ruahtui a tlahniam zawk tawh a. Tun hnai kum sawm hnih chhungin ruahtui tla a chhe hle a, tunah chuan hun thar kan chuangkai ta niin a lang,” tiin a sawi.

Kumina ruahtui tlak tam chhan hi Bay of Bengal a hun rei tak low-pressure system awm vang niin chu chuan August thlaah India ram zau tak a tuam a. Chu chuan July thlaa ruahtui tlak tlem chu khuh vekin a tlangpuiiin furpui thla li chhungin July thla chu ruahtui tlak tam ber a ni thin a. August thlaah khan 32 cm lai ruahtui tla in kum dang aia a tlak tamna chu 26% lai a ni.

El Nino tih mai central equatorial Pacific lum lutuk avanga khawchin buai thin let thawk La Nina thleng chu kumina India rama ruahtui tlak tam chhan pakhat a ni bawk.

IMD te chuan kuminah India chuan ‘normal’ ruahtui dawng dawnin LPA 96-104% inkarah a awm turah a lo sawi lawk tawh a. Ruahtui 110% LPA chunglam hi chu nasa lutuka ngaih a ni thung.

India furpui chu northern India atangin a inhnukdawk mek a, October thla laihawlah northeastern monsoon a intan thung tura ngaih a ni. Kumin furpuiah ruahtuia insemdarh tha thawkhat hlea ngaih niin Central India chuan a pangngai aia 15% a tam dawngin South India chuan 29% a tam dawng thungin Northeast India chuan 6% a tam leh northwest India chuan 15% deficit a nei thung.

IMD tena meteorological subdivision 36 a neih zingah 12 te chuan ruahtui an dawng tam zual a, 17 ten normal dawng thungin panga an deficit thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy