Daily Newspaper

India hmel tibal duha che an awm : PM Modi

27

Prime Minister Narendra Modi chuan mi thenkhatte chu human rights bawhchhiatna chungchangah ‘sawifiah dan tihbik nei’ in an kalpui tia sawiin politics mitin an thlir thin a ti a, hetiang hi human rights tan leh democracy tana tha lo a ni tiin a sawi bawk.

National Human Rights Commission (NHRC) 28th foundation day a thusawina a neihah Modi chuan thil thleng inang rengah pawh mahni hamthatna tur hisapin thlir dan a inang lo thin tiin a sawi a.

“Mithenkhatte phei chuan human rights bawhchhiatna chawivulin ram hmel tihbalh an tum thin a, chung mi te chu mipui ten an hlauh a ngai,” tiin a sawi bawk.

Mosi chuan hming bik emaw pawl sawi bik a nei lo chungin rorel lai BJP te chuan human rights group thenkhat te chu human rights bawhchhiatna thlurbing bik neiah puhin chu chu sorkar an beihna tiin an sawi a ni.
Thusawina a neihah Prime Minister chuan a sorkar chuan basic needs tak meuh meuh heng toilet, cooking gas, electricity leh chenna In te miretheite hnena a thlawna a pek chuan tumsanna siamin chu chuan an rights te hriatna a thlen tiin a sawi bawk a.

A sorkar chuan ‘triple talaq’ khapna a kalpui hmangin Muslim hmeichhiate chuan rights thar an neih theih phah tiin a sawi bawk.

Hei bakah hian hmeichhia nau neite tan 26-week maternity leave phalsak te leh pawngsual lakah dan khauh zawk siam te chu hmeichhiate tihchakna atana an tih a nih thu a sawi bawk.

National Human Rights Commission (NHRC) hi Protection of Human Rights Act, 1993 hmangin human rights humhim nan October 12, 1993 khan din a ni.

NHRC te hian human rights bawhchhiatna a awmin chhui chianga hma la nghalin zangnadawmna pek tur te ruahmanna a siam zui thin a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy