Daily Newspaper

India-in 5G hmang turin hmala chak dawn

10

Prime Minister Narendra Modi chuan Indian Mobile Congress (IMC) New Delhi-a neihah video-conference hmangin thu a sawi a. Modi chuan ‘IMC-ah hian telecom sector-a thluak tha ber ber te an fuankhawm a ni’ tiin a sawi.

Prime Minister chuan, “Connectivity chak tak kan nei nei mek a, a chak zual zel dawn tih pawh kan hria a ni,”a ti.

“Ngaihtuaha ruahmanna neih pawimawhna kan hria a, technology tharte hmangin engtiangin nge nun kan tihhmasawn ang. Healthcare tha zawk, zirna tha zawk, information tha zawk leh loneitute tan dinhmun tha zawk te chu heng innovation te hmanga kan neih theih a ni,” tiin a sawi bawk.

PM Modi chuan, ‘Mobile technology hmangin khua leh tui te hnenah dollar billion tel hlawkna kan pe tawh a. Kan mobile technology te vek hmangin mirethei leh chhuan chhamte hnenah pandemic laiin tanpuina kan pe thei bawk a. Mobile technology vang bawkin pandemic laiin Covid-19 vaccination programme lian ber zinga mi kan kalpui dawn a ni’ tiin a sawi bawk a.

“Technology sang zel vangin kan handset leh gadget te kan thlak kual reng a. Industry te hian electronic waste te tha zawka kalpui dan tur ngaihtuah tur task force a siam thei em?” tiin Modi chuan a sawi bawk a.

‘Technology lama hmaswnna nasa chuan hmalam hunah theihna nasa tak a nei a. A hun taka 5G kan kalpui theih nan leh Indian maktaduai tel te hlawkna kan pek theih nan hma kan lak zel a ngai a ni’ tiin a sawi bawk.

Ambani-a’n 5G kalpui vat duh
Reliance Industries Chairman Mukesh Ambani chuan India rama mobile phone subscriber 300 million tena smartphone an banphaka an neih a ngaih thu sawiin a tam ber te chu ‘2G era-ah an la awm’ tiin a sawi.

“India rama mobile subscriber 300 million vel te chu 2G era-ah an la awm a ni. Heng mi tena smartphone an banphak an neih ve theih nan policy neih a ngai a, tichuan Direct Benefit Transfer an bank account-ah pek theih a ni ang a, digital economy-ah an tel ve thei dawn a ni,” tiin Ambani chuan India Mobile Congress 2020 neihnaah a sawi.

India chu khawvela digitally connected ber zinga mi a nih thu sawiin chu mi nei thei reng tur chuan policy kalpuia a rang thei ang bera 5G kalpui a ngaih thu a sawi a.

“Jio chuan India ramah kum 2021 kum chanve hnu lamah 5G revolution a kalpui dawn a. India rama siam network, hardware leh technology ngei hman a ni ang,” tiin a sawi.

Jio Platform chuan artificial intelligence, cloud computing, big data, machine learning, internet of things leh blockchain lamah world-class a neih thu a sawi bawk a. An company chuan education, healthcare, agriculture, infrastructure, financial service leh new commerce lamah home-grown solution a siam thu a sawi bawk.

“Hengte hi India rama kalpui hlawhtlin a nih hnuah khawvel harsatna sukiang turin khawvelah phochhuah a ni ang,” tia sawi bawkin digital hardware demand a sang zel a, India chu ram dang taah ringawt a innghah thei tawh lo tiin a sawi bawk a.

“India hi state-of-the-art semiconductor industry-ah major hub ni turin kahmu lawk a ni. Kan thawhho that chuan software lama kan hlawhtlin ang bawkin hardware lamah kan hlawhtling ang,” tiin Ambani chuan a sawi bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy