India chuan foreign exhange reserve tam tawk a neia eng thil pawh tleng se tun atanga kum nga kum ruk harsatna awm hauh lo tur a ngah tiin Commerce and Industry Minister Piyush Goyal chuan a sawi.
India forex kitty chu May 12 khan $599.529 billion ah a kai chho tiin Reserve Bank of India (RBI) chuan a sawi a.
Minister chuan sorkar hmalakna avangin inflation thunun theihin a awm a ti bawk a.
Forex reserves chungchangah, “Foreign exchange reserve tha tawk kan nei a. Eng pawh thleng se India chuan tun atanga um nga kum ruk daih kan mamawh kan nei a ni” tiin Minister chuan industrial body CII annual session New Delhi a neihah a sawi.
India anga dinhmun tha khawvela ram thang mek dang tumah an awm lo tia sawi bawkin a tum khat nan sumdawngte chuan India chu ram changkangte nen angkhat rengah an ngai tawh tiin a sawi bawk a.
“Investment tih nan turluihin an awm tawh a, hmasawnna tur leh ram dang sumdawngte lo luh theih nan technology hmasawnna awm theih nan India chu thlan a ni tawh,” tiin a sawi bawk a. Industry te chuan quality, innovation leh skilled manpower lam an ngaihven a ngai, a ti bawk a.
India sumdawnpui ram te chuan India chu free trade agreements (FTAs) tichak turin an ngen tiin a sawi bawk.
India hian FTAs chungchangah Canada, EFTA (European Free Trade Association), UK leh European Union (EU) te nen inbiakna an nei mek a.
“Global order-ah India pawimawhna pholanin a awm tihna a ni a. FTA hi kawng hnih nei a ni a. A chang chuan EU market kan pawh duh laiin a then chuan an market kan luh an phal lawi si lo hian min tihnual thin,” tiin a sawi bawk a.
“Mahse, khang hun te kha a liam tawh a, tun hi new India a ni tawh a, tunah chuan India chuan a chakna hmangin khawvel a dawr tawh a ni” tiin a sawi bawk.
Kum 2030 ah chuan India chuan bungrua thawnchhuah $2 trillion hu a nei hman tawh ang, a ti bawk.
India-in Forex Reserve ngah tawk ti
![](https://theaizawlpost.org/wp-content/uploads/tap_logo-min-large.jpg)