Daily Newspaper

India-in mi 9 firfiakah puang thar, Khalistani seperatist lam vek an ni thung

8

Ministry of Home Affairs (MHA) chuan anti-terror law amend thar, nikuma Parliament-in a pawm tak hnuaiah ‘firfiak’ tiin mi pakua a puang thar.
Heng mi pakua te hi seperatist Khalistani groups te Sikhs te tana ram hran din tum te nena inkungkaihna nei vek an ni.
Unlawful Activities Prevention Act (UAPA) hi kum 1967 khan siam a ni a, kum 2004, 2008 leh 2013 khan amend tawh a ni a. Kum 2004 khan firfiak kaihhnawihah pawl thinhrik remtih niin hei vang hian pawl 34 lai Lashkar-e-Taiba leh Jaish-e-Mohammad te pawh telin khap an ni a. UAPA hi nikum August thla khan siam\hat leh niin mimal te chu firfiak tia puan theih a ni ta a ni.
Terrorists pakua te chu Wadhawa Singh Babbar, Pakistan-based chief of terrorist organisation Babbar Khalsa International; Lakhbir Singh, Pakistan a inbun chief of terrorist organisation International Sikh Youth Federation; Ranjeet Singh, Pakistan a inbun tho chief of terrorist outfit Khalistan Zindabad Force; Paramjit Singh, Pakistan a inbun chief of the Khalistan Commando Force leh Bhupinder Singh Bhinda, Germany, Khalistan Zindabad Force member pawimawh tak; Gurmeet Singh Bagga, Germany tho Khalistan Zindabad Force member pawimawh tak; Gurpatwant Singh Pannun, U.S.A. dan pawna hnawl Sikh for Justice hotu; Hardeep Singh Nijjar, Canada, chief of the Khalistan Tiger Force leh Paramjit Singh, United Kingdom, Babbar Khalsa International hruaitu te an ni.
“Heng mite hian ramri kanin firfiakna thil tam takah inhnamhnaawhna an nei a. India ram tihchhiat leh tihbuai tuma chetla reng te niin Punjab ah anti-national activity hmangin leh Khalistan Movement hlawpin helna tundin an tum a ni,” tiin MHA thuchhuak chuan a tarlang.
September 2019 khan mi pali – Jaish-e-Mohammad chief Masood Azhar, Lashkar-e-Taiba’s Hafiz Saeed, a deputy Zaki-ur-Rehman Lakhvi, leh underworld don Dawood Ibrahim, kum 1993 Mumbai serial blasts kalpuitu te chu a hmasa ber atan he dan hnuaiah hian firfiak tiin a lo puang tawh a.
Home Minister Amit Shah chuan nikum August 2 khan Rajya Sabha-ah pawl chauh ni lo mimal ang pawhin firfiak te hriatfiah a ngaih thu a lo sawi tawh a. Opposition te chuan Parliament a sawihona neihah dan siam chu hman sual awl tak tur a nih thu leh politics a hmelma te leh civil soveity activists te beih nana hman mai an hlauhthawn thu an lo sawi tawh thung.
He India-in dan thar a siam hi European Union (EU) ram te, U.S.A., China, Israel leh Pakistan ngei pawh telin, Sri Lanka ram tea dan an neih zulzuia siam a nih thu MHA official te chuan an lo sawi tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy