Daily Newspaper

India-in Mumbai beihna 26/11 hre reng

23

India chuan Zirtawpni khan 26/11 Mumbai terror attack champhaah Pakistani High Commission-a senior diplomat chu kovin firfiakte chungchang an ngaihtuahna tichak tura ngenin ram 15 atanga Mumbai beihna avanga nunna chan chhung ten an la nghah reng thu a hrilh.

Ministry of External Affairs (MEA) chuan Pakistan chu India beih nana firfiak tena a ram chhung an hman a remtihloh intiam chu a taka kengkawh turin a ngen bawk.

“India chuan Mumbai terror attack case tichak tura ngenin hei bakah hian Pakistan sorkar chu an ram chhung khawi lai mah firfiak tena behchhana hmantir lo turin a ngen a ni,” tiin MEA thuchhuah chuan a tarlang a.

“Firfiak ten rapthlak taka Mumbai an beih hnu kum 13-ah pawh ram 15 atanga nunna chan 166 chhung ten he case chinfel hun an la nghak hi a pawi a, Pakistan hian thil sual titute thiamloh chantira hrem a tim a ni,” tiin MEA thuchhuah chuan a tarlang bawk.

MEA chuan Mumbai beihna khan Pakistan atanga ruahman leh Pakistan ram chhung atang ngeia kalpui tiin a sawi bawk a.

“Pakistan sorkar chu hmaihnih neih sim a, Mumbai beihna rapthlak taka mawhphurtute hrem ngei turin kan phut a ni,” tiin MEA chuan a tarlang bawk. “Pakistan rintlakna lantirna ngawt a ni lo va, firfiakte avanga nunna chan chhungte tan pawh a ni a, khawvel laka an bat neih tlat a ni bawk,” tiin tarlan a ni bawk.

“26/11 Mumbai terror attack champha 13-naah India sorkar leh mipuite chuan nunna chan leh security personnel min humhim nana nunna hlan te a hre reng a ni,” tiin MEA chuan a tarlang bawk.

November 26, 2008 khan Lashkar-e-Taiba terrorist 10 te chuan Pakistan atangin tuipui kaltlangin Mumbai lutin silai an pawngkah naah mi 166 nunna an la a, chung zinga 18 chu security personnel te an ni a, mi thahnem tak hliam bawkin, darkar 60 lai Mumbai-ah inkahna a thlen phah a, India mi te bakah ram dang 14 lai khua leh tui ten nunna an chan bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy