Daily Newspaper

India-in ni khat thil thua Covid-19 kai a nei ngah ber nawn tawh

32

India ramah Inrinni khan Covid-19 kai thar 78,761 la awmin nikhat thil thua kai tam ber tum niin nunna chan 63,000 an awm tawh a, a kai hrim hrim nuai 35 an chuang tawh bawk.

Union Health Ministry data tihchhuah ang chuan Inrinnia kai hmuhchhuah kha ram ang pawha ni khata virus kai hmuhchuah tam ber ni bawkin August 27 a kai 77,266 hmuhchhuah a khum zui a ni.

John Hopkins University data-a July 17, 2020 a US a nikhata kai hmuhchhuah 77,255 kha India-in a khum ta var var a ni.

India chu US leh Brazil tihloha Covid-19 kai nei tam ber ram niin nunna chan tam lamah erawh US, Brazil leh Mexico hnuaiah pali-na a ni mek thung.

Recovery rate erawh sang zel thungin 76.61% a ni a, fatality rate chu 1.79% ah a tlahniam thung.

Ram pumah active case 7,65,302 an awm mek a, a kai zat atanga 21.60% a ni mek a. India a Covid-19 kai hi ni 16 chhungin nuai 20 atangin nuai 30-ah a kai chho va, ni 21 chhungin nuai 10 atangin nuai 20-ah a kai thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy