India chuan renewable energy lam hnaih tial tialin hma a la a, mahse tun hma atanga climate change a mawhphurtu ram te chuan a hmasawnna a tithuaawp tur a ni lo, tiin Union Environment Minister Bhupender Yadav chua a sawi.
Trade association ASSOCHAM tena event na haihawta thusawina a neihah India chuan a mipui te energy mamawh phuhurk turin reosurce a neih te a hmang thiang a, khawvel tibawlhhlawh tawh tu tena a chetdan tur an relsak a rem lo a ti.
“Fossil fuels hman loh kan sawi hian, India chuan renewabale lam a thlurbing mek zel a. Mahse, hmasawn zawk an nih theih nana greenhouse gases pechhuak vak vak tawh tena kan hmasawnna an tihthuanawp kan remti dawn lo” a ti a.
“Climate change leh climate justice ah hain rinna kan nghat ve ve” tiin Yadav chuan a sawi bawk a. Tun hma atang tawha climate change awm nana sulsu tawh tutena India in a mipu te mamawh a phuhrukna kawnga resources a neihte a hman danah sawi tur an nei lo a ti bawk a.
Minister chuan India chuan a mipuite energy mamawh phhruka an nun tha zawka thlak danglam chu tihmakmawhah a ngai a ni a ti bawk a.
“Tutemah thimah dah kan duh lo. Kan energy resource te hmang tangkai turin zalenna leh thuneihna kan nei a, kan thutlukna siam liau liau a ni a. Climate change thlen nana mawhphurtu tena kan tihtur min hrilh kan ngai lo” tiin a sawi bawk.
Yadav chuan India ramah khawvel mihring zawng zawng chhuta 17% an awm thu sawiin mahse global carbon emission a pekchhuah chu 4% chauh a ni a ti bawk.
Egypt a Sharm El Shikh a COP27 neihnaah khan India chuan ram hausa te greenhouse gases pechhuak tam ram 20 te thlurbingna ‘Mitigation Work Progranne’ tia sawihona neih chu a dangchat a.
Developed ram te chuan carbon pechuak tam ram 20 te India leh China te pawh telin emission tihtlem chungchangah ram hausa te chauh tibik lova rinluh ni se an ti a, hei hi India chuan a dodal a ni.
Kan chenna lei temperature hi 1.5 degree Celcius vel laiin pre-industrial era (1850-1900) nena khaikhinin a lum tawh a, a chhan ber chu boruaka CO2 tam lutuk tawh vang a ni.
Kum 1990 hnu a India leh ram thanglai mek tena hmasawnna tak tak an hmuh tak tak hma in climate tihchhiatna nasa tak a thleng sa tawh tiin report chuana tarlang bawk a.
‘Global Carbon Budget Report-2022’ chuan khawvela CO2 emission kum 2021 a pekchhuah zahve aia tam chu hmun thum – China (31%), US (14%) leh European union (8%) atanga pek chhuah a ni a ti a. India chu pali na niin CO2 emission 7% a hauh thung.
Mahse, 2.4 tCO2e (tonne carbon dioxide equivalent) anga chhut chuan India per capita greenhouse gas emission chu global average 6.3 tCO2e aiin a tlem fe tiin United Nationas Environment Programme chuan tarlang.
Per capita emission ang chuan US in 14 tCO2e ape chhuak a, ch chu global average aia sang a ni a, Russia in 13 tCO2e, China in 9.7 tCO2e, Brazil leh Indonesia in 7.5 tCO2e ve e leh European union ten 7.2 tCO2e vel an pe chhuak bawka ngaih a ni.
India in ram dang ngaihdan ngaithla dawn lo ti
