India-in Venezuela puihna a thawnin a hmun thleng

India-in tun hnaia lirnghing na tak tuar vanga chhiatna nasa tak thlenna hmun, Venezuela-a puihna a thawn chu a thleng ta.
India hian Operation Amistad hnuaiah lirnghingna hmun, Venezuela-ah hian field hospital unit, damdawi thiam leh mihring chhawmdawlna atana tulte a thawn a. Chhiatna thlenna hmunah hian chhanchhuah hna thawktute chuan thihna pung zel leh chhiatna nasa tak karah hian damchhuakte an zawng chhunzawm zel.
Tanpuina hi Venezuela-in lirnghing na tak, mi 1,430 velin thihna an tawrh vanga thawn a ni a. Chhiatna a thlen hnu ni thumah pawh mi sang tam tak chin hriat lohvin an la awm a, chhanchhuah hna thawktute chuan in chim hnuaia tang damchhuakte an zawng a. Lirnghing hian sum leh paia buaina leh politic lama inthlak danglamna tawk ramah harsatna a tizual hle.
Puihna thawn a nih thu a puannaah External Affairs Minister S Jaishankar-a chuan field hospital unit, damdawi, damdawi hmanrua leh thil pawimawh dangte chu chhanchhuah leh chhanchhuah hna thawh mekte pui turin a tel tih a sawi.
Thuchhuah siamin, Côte d’Ivoire-a Embassy of India chuan Indian Air Force C-17 thlawhna pahnih chu Venezuela panna kawngah Abidjan kaltlangin an kal a, chhawmdawlna hmanrua ton 35, Indian Army Field Hospital contingent leh BHISHM cube pahnih an phur tih an tar lang.
“Mi 41 an telin an zingah hian medical officer pakua an tel a, lirnghing tuarte tan emergency medical care, trauma management, life-saving surgical support leh healthcare service pawimawh dangte pe thei tura thuam an ni,” tiin an tar lang bawk.
“Team hian damdawi thil ton ruk vel leh ministry of external affairs-in a pek chhawmdawl ngaite puihna tur ton ruk vel an phur a ni,” tiin Indian embassy chuan a sawi.
Venezuela-a lirnghing thlengah hian India hi pui tura inpe hmasa ber zingah a tel a, Operation Amistad a kalpui a, a tuarna hmunte hnenah damdawi lam leh mihringte tana tanpuina pawimawh tak tak a thlen a ni.
Prime Minister Narendra Modi-a kaihhruaina hnuaia mission kalpui a ni a, khawvel pum huapa mihring puihna leh chhiatrupna thlenga chhawmdawl hna thawhna kawnga India-in a puihna huang a zauh zel dan tar langin ‘Khawvel hi Chhungkaw Pakhat a ni’ tia inpekna a tar lang bawk.