India in Viksit Bharat hmangin kawng thar a zawh mek : Modi
Prime minister Narendra Modi chuan pathianni khan Nigeria a tlawhnaah Africa khawmualpui hrang hrang atanga Indian kalkhawmte hmaah thu a sawi a. India chuan zinkawng thar a zawh mek thu a sawi.
Kum sawm chhunga an sorkar in hlawhtlinna leh hmasawnna a neih hrang hrangte Modi chuan a sawi a, ‘Viksit Bharat’ din chu an tum ber a nih thu sawiin, India chu khawvel entu ni tura hmalak mek a ni, a ti.
Democracy ram lian ber a nih avangin India chuan beiseina nen hmalam a pan zel thu a sawi a, remnate, hausaknate chu an hmathlir leh beih mek a nih thu a sawi.
Indian kalkhawmte hmaah Modi chuan India mipui maktaduai tam tak aiawhin chibai bukna a hlan a, India chuan thil thar siam kawngah bung thar kai mekin, inrintawkna nen zinkawng thar a zawh mek thu a hrilh a ni.
India rama cheng mipuite pawhin nuamti taka hun an hmang mek thu sawiin, startup register titawh pawh nuai 1.5 chuang an awm tawh thu a sawi bawk.
Nigeria-ah hian Indian kalkhawmte hian Modi hi lawm hle in, Modi hming lam chungin an aurual nasa hle a ni.
India in Viksit Bharat hmangin kawng thar a zawh mek : Modi
