India chuan Volley inelna lian tak a thleng dawn a, India hian FIVB Club World Championship 2023 leh 2024 a thleng dawn a. He inelnaah hian India rama inelna lian Prime Volleyball League champion team an tel theih phah dawn.
Volleyball inelna lian FIVB Club World Championship hi kum 1989 atanga neih tan a ni a, kum 1993 thleng khan tluang takin neih a ni. Hun eng emaw chen chawlh lailawk a nih hnuin kum 2009 atang khan neih chhunzawm leh a ni. He inelnaah hian European, African, Asian leh South American khawmuala championte theuh direct in an tling phawt a. European leh South American championship a pahnihna ve ve an tling leh a, champion lai khelhtir thin an nih bakah wil card hmanga tling an awm ve leh thin bawk.
FIVB Club World Championship ah hian Italian club Trentino chu champion ngun ber an ni a, vawinga an champion tawh. He inelna lianah hian Italy team an chetha thei viau a, vawi 11 zet an champion tawh. Brazil club vawi li an champion tawh a, Serbia leh Russia club vawi khat ve ve an champion tawh bawk.
Khawvel huap inel na lian India in a thleng tur hi Volleyball tan bung thar a ni a, kum hnih chhung an thleng zawn tur hi thil ropui tak a ni. India rama inelna lian Prime Volleyball League (PVL) season hnihna chu February ni 4 atang khan Benga-luru ah khelh tan a ni a. He inelna lianah hian Mumbai Meteors, Bengaluru, Kolkata, Calicut, Ahmedabad, Hyderabad, Chennai leh Kochi team te an inel dawn a. Champion team hian khawvel huap inelna lian an hmachhawn theih dawn av^ngin inelna boruak a lian zual hle tura ngaih a ni. PVL season 2 hi Bengaluru, Hyderabad leh Kochi ah khelh a ni ang a, March 5 khian Kochi-ah final khelh a ni ang.