India chuan world record siamin kumin Lok Sabha inthlanah voter 64.2 crore ten vote an thlak a, heng zinga 31.2 crore chu hmeichhiate an ni tiin Chief Election Commissioner Rajiv Kumar chuan a sawi.
Press briefing a neihnaah khawvela inthlan lian leh turu berah monitoring team 68,000 bakah 1.5 crore polling leh security personel te hman an ni a ti bawk a.
“India-in world record siamin 64.2 crore voter ten vote an thlak a, heng zinga 31.2 crore hi hmeichhia an ni” tiin Kumar chuan a sawi.
Social media memes ah election commissioners chu ‘Laapataa Gentlemen’ tia sawi a nih thu sawiin, “Kan amw reng a, kan bo hauh lo” tia chhangin tunah chuan memes chuan ‘Laapataa Gentlemen’ are back” titawh rawh se a ti bawk.
Kum 2024 Lok Sabhe election atan vehicle pawh nuai li dawn, special train 135 leh air sorties 1,692 hman a ni a ti bawk a.
“Kum 2019 khan repoll 540 a awm laiin kum 2024 Lok Sabha inthlanah chuan 39 chauh repoll neih a ni “ tiin a sawi bawk.
CEC chuan Jammu and Kashmir ah kum sawm li chhunga vote a tlak tha ber a thleng tiin 58.58 per cent vote a tla a ni.
“Rs 10,000 crore hu pawisa fai, freebies, drugs leh zu te kum 2024 inthlan kaihhnawihah man a ni a, kum 2019 kha chuan Rs 3,500 crore hu man a ni thung” tiin a sawi bawk.
India-in World Record siam
