India leh China inzawmna a nghet zel : Jaishankar

India leh China inzawmna a nghet zel : Jaishankar
India leh China chuan Himalaya tlang lama an ramri neih atanga an sipaite an tawlhkir tir hlawm hnuin, inzawmna nghet zawk an nei chho zel niin external affairs minister S. Jaishankar chuan a sawi.
External affairs minister chuan New Delhi leh Beijing chuan kum li chhung zet sipai lama inhmachhawnna an neih chu inremna an siam atanga kar ruk chhungin an hlen ve ve tawh niin a sawi a, Asian ram lian pahnihte hian insumdawn tawnna lamah pawh boruak tihthat zel an tum niin a sawi bawk.
Kum 2020 a Himalaya tlang chhim lam ramria sipaite inkara buaina chhuakah khan India sipai 20 leh China sipai pali thiin, hemi hnu hian khawvel mihring tamna ber ram pahnihte inkar hi a chhe zual hle a ni.
India chuan hemi hnu hian China chu a ram chhung boruak chung zawn thlenga an thawhdunna a titawp nghal a, chinese mobile application tam tak a khap chhunzawm bawk.
Tunah erawh ram pahnihte inzawmna hi nghet tawh hle in, inrem lohna zawng zawng hlip a, insumdawn tawnna kawnga thawhdunna leh ramri chungchangah pawh inremna neih belh zel an tum thu Jaishankar chuan a sawi bawk a ni.