India leh Pakistan sipai inkah champha 53-na hmang
Nimin khan Ex Fighting Fifth Association (EFFA) bultumin kum 1971, December ni 3-a Chhamb khawpuia India leh Pakistan sipai inkah champha 53-na pualin ‘53rd Anniversary of Battle of Chhamb-71’ hman a ni a. Lt. Gen. AS Pendharkar, G.O.C 3 Corps Hqrs. chu khuallian niin Lt. Gen. JR Mukherjee (Retd.) leh Maj Gen. PK Puri (Retd.) te chu Khual zahawm an ni a. Sub. Laltana (Retd.), President, EFFA chuan hun kaihruaiin Chhamb indona a 5th Assam Regiment atanga nunna chante sunna hun hman a ni.
Khuallian Lt. Gen. AS Pendharkar chuan kum 1971-a Pakistan leh India sipaite Chhamb khawpuia an indonaah hian Pakistan sipaiin tam hneh hle mah se, 5th Assam Regiment-te huaisenna leh ram tana an inpekna chu ropui a tih thu sawiin he inkahnaa nunna chan ta te, hliam tuar te leh ral donaa tel zawng zawngte chu zahna chibai a buk thu a sawi.
Capt. Hmingdailova Khiangte, IPS (Retd.) chuan kalkhawmte lawmna thu sawiin Chhamb khuaa indona thlen dan tlangpui a sawi a. Chhamb indonaa 5th Assam Regiment mi 21 nunna chan te sunna hun hman niin Sub. Darromawia (Retd.) hnen atangin EFFA hmalak dan hrang hrangte ngaihthlak a ni.
India leh Pakistan sipai inkah champha 53-na hmang
