India leh Russia inkungkaihna a nghet : Rajnath Singh
Defence minister Rajnath Singh chuan Moscow-a Russia president Vladimir Putin nen an inkawmnaah India leh Russia inkungkaihna chu ‘tlangsang ber ai pawha sang, tuifinriat thuk ber aia pawha thuk zawk’ a nih thu a sawi.
Hruaitu pahnihte hian ram pahnihin thawhdunna tha zawk an neih reng theih dan turte an sawi dun a, an hmalakna kawng hrang hrang an thlirlet bawk niin thuchhuah chuan a tarlang.
Putin nen an inkawm zawh hnu hian Singh chuan Russia defence minister hmuin, defence industry lamah ‘Make in India’ project hnuaia thawhhona tha lehzual awm theih dan tur an sawi bawk.
Thulakna thenkhat sawi danin Singh hian S400 air defence missile squadron pahnih chu India hnena pe turin a dil nia sawi a ni a, defence thila mamawh inpek tawn kawngah puih a inhuam reng thu Russia chu a hrilh bawk a ni.
India leh Russia inkungkaihna a nghet : Rajnath Singh
