India leh Singapore te chuan inkungkaihna tha zawk siam belh zelin Singapore Permanent Secretary (Defense) Chan Heng Kee leh India Chief of Defense Staff, General Anil Chauhan te chuan inkawmna hun tha tak an nei a. He high-level meeting-ah hian hotu pahnihte chuan ram pahnih ten inlaichinna tha leh tlo an neih tur thu an nemnghet a, heng ram pahnih ten inlaichinna tha an neih a pawimawhzia te an sawi dun a ni. He hun pawimawh tak mai hi India-Singapore ten ram pahnihte venhimna chungchanga inbiakna an neih thin vawi-15na New Delhi-a an neih paha sawiho a ni a. He inkawmnaah hian ram pahnih ten inthian thatna an neih thuam chak zel dan tur a bik takin ram venhim te, thiamna lo sang zel milpuia chet lak leh Cyber security lama thawh dun dan tur te an sawiho a ni.
Ram pahnih ten ram venhim lam chungchanga an sawihona piah lamah hian Permanent Secretary Chan Heng Kee leh India Secretary (East), Ambassador Saurabh Kumar chuan inkungkaihna tha an neih te a rang thei ang bera tihhlawhtlin dan tur an sawiho ve bawk a. ASEAN leh an ram pahnih chungchangte bihchiangin an thawh dunna tur chungchangte chipchiar takin an sawi dun a ni. India leh Singapore ten venhimna lama an inlaichinna neih hi kum tina ministerial leh secretary-level a an inbiakna tv/vv..e, ram pahnihten sipai lama staff-level inbiakna an neih leh kum tina training leh exercise an neih thin te hmangin hma an la thin a ni. Heng hmalakna hrang hrangte hian ram pahnihte inkungkaihna a siam tha chho ni lovin ram venhimna zawng zawng ah leh inlaichinna nghet siam kawngah an tha a ti chak em em bawk a ni. He meeting hian India leh Singapore ram pahnih te inkarah zau taka hnathawk dun thei turin kawng a ruahman bakah ram pahnih te invenhim tawnna lamah nasa takin a thuam chak dawn a ni.
India leh Singapore venhimnaah thawk dun
