India Prime Minister Narendra Modi-an Lakshadweep archipelago a tlawh tuka Maldives minister tweet chuan social media inhnialna a siam nasa hle a.
PM Modi chuan India rama Union territory te ber thliarkar 36 awmna leh 32 sqkm chauh chu tourism promote nan a tlawh a.
Maldives minister tweet chuan India chu Maldives target-ah puhin India chuan beach tourism lamah Maldives el pha tur chuan harsatna a ngah lutuk tiin a sawi a ni.
PM Modi chuan X-a post a siamah Lakshadweep beach vela a kal lai tichhuakin Maldives aia khualzin tena thlang turin ngenna a siam a ni.
Maldives-ah hian November 2023 khan inthlanna neih niin President-ah Mohamed Muizzu thlan tlin a ni a. Thlan tlin a nih veleh Maldives-in ‘India first’ policy a neih chu an hnuchhawn dawn thu sawiin Maldives-a India sipai 75 te pawh an ram chhuahsan turin a ti nghal bawk.
Muizzu hian Thawhtanni hian China a tlawh dawn a. Chinese President Xi Jinping-an a sawmna anga kal tur a nih thu China foreign ministry thupuangtu Hua Chunying chuan a sawi.
Muizzu hi pro-China politician niin inthlanah India-friendly Ibrahim Solih chu nikum inthlanah khan a hneh a ni. Muizzu thlan tlin a nih veleh China nena inzawmna siam ngheh nghal niin Maldives chuan India a ngaih pawimawh berna chu hnawlin China a awn zui ta a ni.
Maldives president lo ni tawh te chuan ram tlawh hmasak bera an neih chu India a ni ziah a, chu chu thlak danglamin Muizzu chuan China a tlawh hmasa ber dawn ta a ni. China hian Maldives-ah infrastructure project lian tham khawih a ngah hle bawk.
Maldives Vice Preisdent Husaain Mohamed Latheef phei chuan thla kalta khan China a lo tlawh tawh zawk a. China sponsored China-Indian Ocean Region Forum on Development Cooperation Kunming a neihah a tel a ni.
India-Maldives inkar chhe zual zel
