India-Myanmar-Thailand highway hi thil tidanglamtu tur – Jaishankar
Union External Affairs Minister S Jaishankar chuan India-Myanmar-Thailand kawngpui chu India khawchhak leh Asia chhimchhak ramte inpawhna atan leh ei bara Thanna atana thil thlak danglamtu a ni tur thu a sawi.
Advantage Assam 2.0 Infrastructure & Investment Summit-a Act East, Act Fast and Act First session-a thu a sawinaah Jaishankar-a chuan, “Thil tidanglamtu tur chu India-Myanmar-Thailand trilateral highway zawh fel hi a ni. Myanmar-a buaina avangin hmalakna a chak thei lo va; mahse, he thil hi kan indantir reng thei lo vang. A hlawhtlin nan tih dan tur a awm ang,” a ti.
Km 1,400-a thui tur kawngpui hian ram pathum pawhin 70% dawn zawh tawh a ni a, a bak dang zawng hi kum 2021-a sipaiten Myanmar-a sorkar an hnehchhuh hnuah thawh theih a ni rih lo.
“Asia chhimchhakah hian mihring maktaduai 700 vel, India zahve dawn an cheng a, an GDP pawh $ 4.25 trillion niin hei hi hma kan sawna kan Than zelna tura kan inpuih tawnna tur a ni,” a ti.
Jaishankar-a chuan kum 2014 atanga India-in thenawm dah pawimawh hmasak (neighbourhood first) policy a kalpuiah Bangladesh, Bhutan, Nepal leh Myanmar chu a chhawrtu an nih thu a sawi a. Kawng thar, checkpoint, relkawng, tuikawng, power grid, tuialhthei pipeline leh thil inhlanna tam tak din thar a nih thu a sawi.
India-Myanmar-Thailand highway hi thil tidanglamtu tur – Jaishankar
