India-Pak ramri bulah ralthuam tam tak hai chhuak
Punjab-a Pathankot Police-te chuan sorkar laipui hnuaia hnu chhuitute nen tangkawpin India-Pakistan inrina bul lawk ramri hrul, Narot Jaimal Singh-ah ralthuam eng emaw zat an hai chhuak.
Heng ralthuamte hi Pakistan atanga thawn luh a nih ngei an ring a. An mante hi AK-47 rifle pathum, magazine panga, pistol (Turkish leh Chinese siam) pahnih, a magazine pahnih leh silaimu 98 a ni.
DIG Border Range Sandeep Goyal-a chuan hnu chhuituten an chhui chhuah dan chuan heng ralthuamte hi mi sual, a hnua mi firfiaka tela Pakistan-a awm zui ta, Rinda an tihin a thawn luh niin a sawi a. Pakistan-a hnu chhuitu pawl, Inter Service Intelligence (ISI) pawhin an pui nasa hle nia an hriat thu a sawi bawk.
Heng thil an hai chhuah hnuah hian police chuan a chhehvelah mi dap chhuah beihpui an thlak nghal a, tute nge he thilah hian inhnamhnawih dang man chhuah ngei tumin hma an la nghal a ni.
India-Pak ramri bulah ralthuam tam tak hai chhuak
