Sports Authority of India (SAI) Women Hockey Training Centre, Thenzawla hockey khelh zir mek Mizoram hmeichhe tleirawl team chuan New Delhi-a khelh zawh tak 29th Charanjit Rai – Jawaharlal Nehru Hockey Tournament for Girls under 17 final nimina khelhah 4-3-a Jharkhand hnehin an champion.
Mizoram team hian Thawhlehni semi-final match penalty shoot out-ah 3-2-in Madhya Pradesh an paltlang a, final-ah hnehna an chang zui leh ta a ni.
Mizoram tana thawhhlawk Mizo tleirawl Laltlanchhungi chu player of the tournament atan thlan a ni a, Mizoram coach Lalro\huami (Btei) chu best coach atan thlan a ni bawk.
He tournament hi India rama sikul naupangte inelna a nih angin coach Btei leh manager F. Vanlalveni hoa fehchhuak Mizoram team hi Govt. Lallengvunga H/S, Thenzawl hmingin New Delhi-ah hian an inlan a, he tournament chanchina a vawikhatna atan Mizoram a champion-pui ta a ni.
29th Charanjit Rai – Nehru Hockey Tournament for Girls under 17 khelh zawh taka coach \ha bera thlanchhuah Btei chuan nimin final hnehna kha a mimal tan hnehna pawimawh a nih thu Post Sport hrilhin:
“Kan inkhelh ve lai kum 2005 khan he tournament final hi Mizoramin kan lo khel ve tawh a, chumi \um chuan sikhat faiin Jharkhand hi kan hneh lo a, tunah coach ni chungin Jharkhand lakah hnehna ka chang a, ka tan he hnehna hi a special lo thei lo a ni.
“Tun\um hian tournament chhungin kan naute’n an khel \ha em em vek a, malsawmna kan dawng a ni.
“Tarlan tak ang khan, ka inkhelh laiin he tournament-ah hian final lutin, silver medal ka la a, gold medal la thei coach-a ka awm zui leh ta hi ka lawm takzet a ni,” a ti.
Thenzawl Centre-a hockey zirtirtu hlun Btei hian an champion-na tournament chu hockey thiam leh uar ram, national sport-a hockey hmang ngat rama tournament pawimawh tak a nih thu tarlang telin, “Kan khelh ve lai kha chuan national camp-a awm tur zawnna pakhat atan an hmang hial \hin a, tunlaiah hi chuan national tour-nament-te hi chutiang atan chuan an hmang ta zawk a ni,” tiin inelna lian a nih thu a sawi.
Mizo hmeichhe hockey coach hriat hlawh leh hockey player \ha tak tak chherchhuak tawh leh chher mektu Lalro\huami chuan, “Kum tam tak he trophy dawn tum hian kan lo thawkchhuak ve tawh \hin a, tun ang hun kan thleng hi Pathian hnenah lawm thu kan sawi mawlh mawlh a ni,” a ti.
Mizoram hmeichhe hockey team hi October ni 15, Pathianni hian Mizoram panin an rawn chhuak ang.
India ram khawpui bera hockey champion SAI Women Hockey Training Centre, Thenzawl
