Daily Newspaper

India ram manufacturing sector activity nasa takin pung

29

India manufacturing sector activity chu a zawnin thlahnih chhung September ah nasa taka hmasawnin kum riat leh a chanve chhunga a san ber lai tawngin farm ten staff member te an titlem chungin order thar leh siamchhuah thar a sang nasa hle niin monthly survey neihin a tarlang.

IHS Markit India Manufacturing Purchasing Managers’ Index (PMI) chu August thlaa 52.0 atangin September thlaah 56.8 ah a kai chho va, January 2012 hnua a san ber tum a ni.

“India manufacturing industry chuan kawng dik zawh zelin, September PMI data chuan thil lawmawm tam tak a keng tel a. Covid-19 khuahkhirhna thlahdul deuh hnuah factory te chuan network thar neiin nasa taka hmasawnna a awm a ni” tiin Pilyanna De Lima,Economics Associate Director, IHS Markit chuan a sawi.

April thla khan index chu a tawm tê nasa hle a, a hma zawng thla 32 chhungin hmasawna a ni thung. PMI tehnaah chuan 50 chunglam chu hmasawn niin a hniam lam chu a tawm tê tihna a ni.

Hralh chhuah tam thar tak vakna chhan chu thawnchhuah tura order pun nasat vang niin hei hi Covid-19 len hnua hmasawnna nasa tak a ni.

“Thlaruk lai thawn chhuah a tawm tet hnuah thawnchhuah pawh a pung leh tawh bawk,” tiin Lima chuan a sawi.

Order a pung nasa chungin Indian goods producers te chuan hnathawk an rawih belh lem lo thung a, hei hi social distancing guidelines vang nia ngaih niin hnathawkte chu a zawnin thlaruk an tlem zawk tawh thung.

“Thil pakhat hnungtawlh awm chu hna chungchang a ni a. Company thenkhatte chu hnathawk tur rawihah harsatna an nei a, thenkhatte chuan staff te chu social distancing guidelines zawm a ngaih avangin a tlem thei ang ber an neih a ngai bawk si a ni,” tiin Lima chuan a sawi bawk.

Thil man chung changah thlaruk hnuah output price in a san tum khatna a tawng ta bawk a, hei hian input cost sanna a tilang a ni tiin survey chuan a tarlang bawk.

Manufacturer hmun thuma thena hmun khatte chuan thla 12 lo awm tur chhungin siamchhuah tam an neih an inring a, 8 per cent te chauhin an thil siam a tlem phah an ring bawk a, hei hian kum li chhunga heti lama hmasawnna nasa ber a thlen thei tura ngaih a ni bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy