Daily Newspaper

India ramah dan kalha gold tawlhrukna hluar zual hle

37

India rama gold man 30% a to belh avangin tun hnai kum khat chhungin gold smuggling a hluar phah hle a, enforcement agency te chuan ram pumah gold tawlhruk 1,600 kg chuang an man tawh.

“Gold man to avang hian middlemen leh inhnamhnawih an tam phah a. Ram dang atanga gold tawlhruk luh te hi Dubai emaw Thailand a chhui luh a ni tam ber a. Tun dinhmunah gold hi kg ah Rs 50 lakh a ni,” tiin custom official te chuan an sawi.

Kar kalta Zirtawpni khan Directorate of Revenue Intelligence (DRI) te chuan gold 33 kg chu West Bengal a Siliguri district a truck pakhat atangin man a ni a, mi pali man tel an ni. Heng gold te hi Myanmar atanga Manipur a tawlh luh Rajasthana Sri Ganganagar panpui tur a ni.

Kumin August tha thleng khan kumin chhungin agency hrang hrang tena gold an man tum 2,112 lai a awm a. February thla khan 484 kg man a ni a, March thlaah 205.81 kg man niin April thla khan 280.66 kg man a ni thung. Lockdown vangin May thlaah man a ni lo va, June thla khan 37.54 kg man a ni leh thung.

“Gold te hi boruak leh lei lam kawng hmanga tawlh nana hman ve ve a ni a. Lockdown guidelines avang khan International flights te tihtawp a ni a, hei vang hian land route chu tawlhruk nan an uar zual ta a ni. Tun hnaiah Indo-Myanmar, Indo-Nepal leh Indo-Bangladesh ramriah gold tawlhruk a nasa,” tiin official te chuan an sawi bawk.

August thla khan Directorate of Revenue Intelligence (DRI) te chuan gold bar 504 lai 83.62 kg a rit, Rs 43 crore man hu chu New Delhi railway station ah an man a. Heng gold te hi Dibrugarh-New Delhi Rajdhani Express a phurh a ni.

Gold bar te hi Myanmar atanga Manipur a tawlhruk luh niin Guwahati a inbun syndicate te chu Delhi, Kolkata leh Mumbai a thehdarhah sulsutu ber an ni.

He mi hnu hian Imphal-Moreh road ah 10.30 kg leh 26.56 kg te man leh niin hei pawh hi Myanmar ramri bul mai leh New Jalpaiguri railway station a man te an ni a. Heng gold te hi Myanmar atanga thawn luh tho a ni.

September thla khan Directorate of Revenue Intelligence (DRI) te chuan Guwahati mi pahnih leh Siliguri mi pakhat thubuai an siam sak bawk a, lockdown hlih a nih hnuah gold tawlhruk chu a nasa zual a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy