Daily Newspaper

India siam Coronavirus Vaccine-in Phase-II test nei mek

13

India-in Covid-19 vaccine a siam mek pahnih chu mihringah enchhinna neih mek niin Phase-II kalpui a ni tawh dawn niin ICMR Director General Balram Bhargava chuan a sawi.

Bharat Biotech tena ICMR nena an siam leh Xydus Cadila Ltd tena an siam vaccine te chuan hlawhtling takin Phase I an paltlang hnuah Phase II tan a ni leh dawn a ni.

Vaccine him leh tha siam chhuah a nih hnuah chuan intluk tlang taka semchhuah a nih theih nan hmalakna kalpui zui nghal a nih tur thu a sawi bawk a.

Khawvel pumah vaccine siam mek 141 vel awmin chung zinga 26 te chu clinical trial phase hrang hrang hmachhawn mek te an ni.

“Tun dinhmunah India ramah vaccine pathum phase hrang hranga clinical test nei mek an awm a. Pakhatna chu Bhara Biotech te siam niin Phase I chu hmun 11 ah zirchianna neih hnuah Phase II an kalpui mek a. Phase I leh II hi chu a tha em tih finfiahna a ni,” a ti a.

“Zydus Cadila DNA vaccine pawhin Phase I paltlang tawhin hmun 11 tho zirchianna kalpui niin Phase II an kalpui leh mek bawk a. Serum Institute of India-in a siam tur Oxford vaccine chu Phase II kalpui remtihna pek ni tawh bawkin clinical trial pathum chu hmun 17 ah neih zui nghal a ni ang,” tiin Bhargava chuan a sawi bawk.

ICMR official te chuan pandemic leng chu a nasat zel thu sawiin chutih laiin vaccine siam nan erawh hun mamawh a ni bawk si an ti a, science lam chauh ni lovin social, cultural leh regulatory lam thlenga a hmer tel vek vang a nih thu a sawi bawk a.

Vaccine siam chhuah a nih hma chuan nunphung danglama physical distancing, hmaikawr vuah leh kutsil fai that te chu vaccine tha ber a nih rih thu a sawi bawk.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy